English | عربی | Kurdî دواهەواڵ
ڕاستەوخۆ  
 
16 پرسیار بۆ ئۆکتۆبەرچیان:
2020-10-16 [11:30 AM]

نوسینی : ✍️ د. رێبین سەلام


١-ئایا دەزانیت ‼️هەزاران دەرچە ودەرگای تر هەیە تاوەکو پیاو خۆی بکات بە ناو مێژوودا، جگە لەو رێگە سەقەت وپەقەتەی گرتانە بەر؟ 
٢- ئایا دەزانیت ‼️سیاسەت زانستە وئیشی زانا ودانا وجوامێرانە، ریا وفەندوفێڵ وقۆڵبڕین نە زانا ونەدانا ونە جوامێری دەوێ؟
٣- ئایا دەزانیت‼️ سەری لوتی هەریەکەتان شتێکی پێوەیە، لەوانەیە خۆتان نەتاندیبێ یاخود خۆتان لە گێلی دابێ، بەڵام سوێند بەو پیرۆزییەی کە نیتانە ونەتانبووە، لە لای یار ونەیار  زەق ورەپ وروون بۆتە ناسنامە ومۆری پەنجە وهەنیەتان.
٤- ئایا دەزانیت‼️ سەد ساڵی رەبەق بیکەیت بێگانە پەرستی، ئاخری هەر دەهێنیت نشوستی؟
٥- ئایا دەزانیت‼️ لەتێک نانی رەق بەسەربەرزی، هەزارن سفرە وخوانی ئاخون دەهێنێت بە سەر شۆڕی؟
٦- ئایا دەزانیت‼️ زۆر لە مێژە باوی ئەو سیاسەتەی میکاڤیلی نەماوە کە دەیگوت (ئامانج) جۆری (ئامراز) دیاری دەکات؟
٧- ئایا دەزانیت‼️ مرۆڤ کە خەڵک وخاکی خۆی فرۆشت، بەر لەخەڵک وخودا، لە کن کڕیارانی، خۆی وخێڵ وخێوەتی لە نرخی خۆڵ وخاشاکدا دەبن.
٨- ئایا دەزانیت‼️ لاپەڕەکی دیکەتان خستە سەر شەرمنامەکەی (شەرەفنامە) شەرەفخانی بەدلیستی؟
٩- ئایا دەزانیت‼️ تەکتیک تەنیا بۆ کۆمپانیا دەبێت وئاسایییە بۆ هەر هەڵوێستێک بیر لە قازانج وزەرەری خۆی بکاتەوە، حیزبی سیاسیش تەکتیکی هەیە وبا هەیبێت، بەڵام دەبێت لە خزمەتی ستراتیجێکدا بێت.
١٠- ئایا دەزانیت‼️ لە شپرزەیی وکاڵفامیدا جگە لە روویەکی زەرد وئابڕویەکی تکاو هیچ بە هیچ دەرچون؟
١١- ئایا دەزانیت ‼️ مراوى لاسایی قازی کردەوە پێ ی نەکرا، واتان دەزانی لاسایی ٣١ ی ئابتان پێ دەکرێتەوە، جەیش وجاش دێن وکەرکوکتان بۆ داگیر دەکەن ورۆژی دواتر لەسەر سینیەکی ستیلی سفت وساف پێشکەشتان دەکەن؟
١٢- ئایا دەزانیت‼️ بەو کارە قێزەونەی کردتان، گرنگی ریفراندم وهەنگاوەکەی رابەری ریفراندم پیرۆزتر وجوانتر نەخشێنرا لە مێژوودا؟
١٣- ئایا دەزانیت‼️ئەو جوامێرانەی لەشەڕی داعش دا شەهید کران ئەگەر ئێستا زیندو ببنەوە چیتان پێ دەڵێن؟
١٤- ئایا دەزانیت‼️ئۆباڵی هەر روداوێکی نەخوازراوی کوردستانیان دوای ئۆکتۆبەرەکەتان لە ئەستۆی ئێوەیە؟
١٥- ئایا دەزانیت‼️لەسەردەمی هەرزانی زانیاری دا وەکو جاری جاران نیە دیزەبەدەر خۆنەبکرێت، ٢٠١٧، ١٩٦٦ نیە؟
١٦- ئایا دەزانیت‼️ ئەوا پارتی شنگالی سەندەوە بۆ شنگالیەکان، بزانین بایی ئەوەتان غیرەت هەیە ئەو کەرکوکەی خۆتان فرۆشتان بیگەڕێننەوە بۆ کەرکوکیەکان؟





ئەم هەواڵە 7033جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad