English | عربی | Kurdî دواهەواڵ
ڕاستەوخۆ  
 
ئەرێ پەکەکێ چ ژ ھەرێما کۆردستانێ دڤێت
2020-11-06 [09:21 AM]


نڤیسینا: دلــۆڤــان ئـەمـجـەد بــارزانـی


ھەرێما کۆردستانێ ھەرێمەکا ئازاد و سەربخو و خودان  دەسەلاتە ، ھەروەسا خودان حوکمەت و سەروك و پەرلەمان و پێشمەرگەیە وەکی ھەر دەولەتەکا دی یا جیھانی .
چەکدارێن پەکەکێ جھێ خوەیێ بەردای کو کۆردستانا باکوورە یێت ھاتینە ھەرێما کۆردستانێ دا ل ناڤا چیایان دا شەرێ دەولەتا تورکیا دکەن .
نھا ژی یێ شەرێ پێشمەرگەیێن ھەرێما کۆردستانێ دکەن شەرێ  کوردی دگەل کوردی  ب راستی ژی مەزنترین کارەساتە .

د ڤێرەدا دێ بێژمە چەکدارێن پەکەکێ ھەرن وەلاتێ خوە ئاخا باب و کالێن خوە جھێ خێزانێن وە لێ دژین رزگار بکەن کو کۆردستانا باکوورە نەھێن د چیایێن کۆردستانا باشوور دا شەرێ دوژمنی بکەن .
ئەمێت د ھەرێمەکا ئازاد دا و مە ھێزێن خوەیێن ھەین کو پیروزترین ھێزە ب ناڤێ (پێشمەرگە)ی ل ھەمی جیھانێ ، مە چ پێویستی ب ھەوە نینە ھەرن وەلاتێ خوە ئازاد بکەن نەرەڤنە  ھەرێما کۆردستانێ شەری بکەن .
کۆردستانا باشوور  گەلەك قەدر و قیمەت ل وە دگرت لێ وە شەرێ برایێن خوە کر و چ ل پێش چاڤێت خوە نەدیت ، مەزنترین خەلەتی بو ھەوە دووبارە کریەڤە و شەرێ پێشمەرگەیان کری و پێشمەرگە شەھید کرن  ب راستی ئەڤە وێ چەندێ دگەھینیت کو باوەری و پەیرەو و پروگرامێن ھین ل سەر ھاتینە دامەزراندن ھەمی خەلەتن و نەدرستن .
دڤێت وێ چەندێ بزانن کو ( ئاپو نە ل ھەرێما کۆردستانێ یە ، ئاپو  یێ د زیندانێن تورکیا دا) ھەرنەوێرێ ئاپویێ خوە ئازاد بکەن .

ھەروەسا ھێرشا پەکەکێ بو سەر ھێزێن پێشمەرگەی و شەھید کرنا پێشمەرگەیەکێ و بریندارکرنا سێ پێشمەرگەیێن دی ھەرێما کۆردستانێ ، کۆردستانی  ڤێ ھێرشا  تیرورستی و چەکداری  ب توندی پروتەستو و شەرمەزار دکەن .
ئەڤ کارێن چەکدارێن پەکەکێ کری ژ دەرڤەی یاسایێ یە ل ھەرێما کۆردستانێ و ل بن ھەر ناڤ و ئارمانجەکێ بن کارەکێ زورداریی یە داگیرکرنا ئاخ و گوندێن خەلکێ ھەژار و تێکۆشەرێن کۆردستانێ ، کو بو ئازادیا گوند و ئاخ و وارێ خوە ل دژی دوژمنان ب ھەزاران شەھیدێن دای .
لێ جھێ داخێ یە ژ ئەگەرێ ڤێ سیاسەتا خەلەت و ستەمکاری و درندانەیا پەکەکێ ئەڤە ماوێ (٣٠) سالایە نەشیانە ب ئاخ و گوند  و وارێن خوە دل خوش بن ، ب ئازادی لێ بژین .

نەوێرن ل سەر ئاخا خوە شەری بو ئازادیا گوند و وار و ئاخا خوە بکەن یێت رەڤینە ھەرێما کۆردستانێ و چیایێن مەژی بو وان باشترین پەناگەھ نە بو مانەڤا وان .
ھەبوون و مانا بنکە و بارەگایێن پەکەکێ ل ھەرێما کۆردستانێ بتنێ ئاریشە و دەردەسەریە بو گەلێ کۆردستانێ و ئاستەنگێن سەرەکی نە بو ئاڤەدانکرنا کۆردستانێ  و دابینکرنا تەناھی و ئارامی و خزمەتگوزارییان .

ھەروەسا حوکمەتا ھەرێما کۆردستانێ ژی ب توندی ئیدانەیا ھێرشا چەکدارێن پەکەکێ بو سەر ھێزێن پێشمەرگەی کر و داخاز ژی ژ پەکەکێ کر کو ھەر نھا و ب زووترین دەم ئاخا ھەرێما کۆردستانێ چول بکەن و کێشەیاخوە دگەل تورکیا ل ناڤا ئاخا تورکیا دا ئێك لایی بکەن .
وەزارەتا دەرڤەیا  ئەمریکا  د راگەیندراوکێ دا ب توندی سەرکونەیا ھێرشا  پارتا کرێکارێن کۆردستانێ _ پەکەکێ  بو سەر ھێزێن پێشمەرگەی ل چەمانکێ دکەت و دبێژیت : پشتگیریێ ل حوکمەتا عیراقێ و ھەرێما کۆردستانێ دکەین بو بنبرکرن و نەھێلانا تیرورێ .





ئەم هەواڵە 1642جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad