English | عربی | Kurdî دواهەواڵ
ڕاستەوخۆ  
 
دەست خۆش پەرلەمانێ عیراقا عەرەبی
2020-11-13 [05:06 AM]

نڤیسینا : غیاس خالد زێباری


بەرەبەیانیا دوهی 12/11/2020 پەرلەمانێ عیراقێ ب کۆدەنگیا پەرلەمانتارێن عەرب یاسایا پرکرنا کورتئینانا دارایی نە تنێ بێ ڕەزامەندیا نوونەرێن خەلکێ کوردستانێ ل پەرلەمانێ نافهاتی ، بەلکی ب بێ منەتی و بێ ڕێزی و گەفکرن تێپەڕاند و پەسند کر . 

ڕەنگە ئێکەمین جار بیت هەمی لایەنێن سیاسی یێن عەرەبێن عیراقێ ناکۆکی و دووبەرەکیێن خۆ یێن دژوار و دیرۆکی لابدەن و ل سەر پرسەکا دەست نیشانکری ب ئێک دەنگی ڕێک بکەڤن، نەخاسمە یێن شیعە و سنە ، لێ ژبەرکۆ بابەت یێ گرێدایی بوو ب هەرێما کوردستانێ و خەلکێ کوردستانێ ئەڤ موعجیزە هاتە کرن ،  ئەز باوەرم ئەگەر پرسەکا نشتیمانی و چاکسازی با نە تنێ رێک نەدکەفتن، بەلکی پەرلەمانتارێن عیراقا عەرەبی د بەرهەڤ نەبوون خەوا خۆ بۆ ئێک دەم هژمێر  ب هەڕمینن، لێ بۆ دژایەتیا کوردا هەتا سحارێ دناڤ پەرلەمانی مان ..!

ئەڤ کۆدەنگیا عەرەبی ل پەرلەمانێ عیراقێ جهێ دەستخۆشیێ یە، چونکێ شۆفینیەت و تۆندڕەویا خۆ بەرامبەر خەلکێ کوردستانێ و قەوارێ فەرمی و دەستووریێ هەرێمێ ئاشکرا ، پێتڤی یە هەرێما کوردستانێ و سەرکردایەتیا سیاسی یا کوردستانی مفای لڤی هەڵویستێ وان وەربگریت و هەڵویستەکێ ئێکگرتی و بلەز بەرامبەر ڤێ یاسایێ و ڤی هەڵویستەی وەربگرن و لسەر ئاستێ سیاسی و دبلۆماسی  هەوڵ بدەن فشارێ لسەر عیراقێ درۆست بکەن بۆ هەڵوەشاندن یان بجهــ نەهاتنا ڤێ یاسایێ . 

چونکی دڤێرەدا ئاریشە نە تنێ  تێپەڕاندنا ڤێ یاسایێ یە ، یان بڕینا بۆدجە و مۆچێ کوردستانێ و کوردستانیا ، ئاریشە ئاراستەچوونا دەسهەڵاتداریا عیراقێ یە بەڕەڤ شوفینی یەتێ و دکتاتۆریەتێ ، ڤێ یاسایێ بنەمایێن دیالۆگ و دیموکراسیەتێ و فیدرالیەتێ و رێکەفتنێ و پێکڤە ژیانا پێکهاتێن جڤاکێ عیراقێ بەرەڤ تۆنیلەکا تەنگ و تاری و مەترسیدار برن....!  

ئەگەر تنێ پرسەکا دارایی بیت ، ئەز باوەرم هەرێما کوردستانێ ئەو شیان دێ هەبن هیڤیا وان شوفینیا بجهــ نەئینیت بۆ دژوارتر کرنا قەیرانا ئابۆری ، چونکی ب داهاتێن نافخۆیی و یێ نەفتێ حکومەتا هەرێمێ دێ شێت مۆچێن خەلکێ کوردستانێ دابین بکەت، ئەگەر یاسایا چاکسازیێ جێبجێ بکەت و خەرجیێن زێدە ڕابگریت، و هەمی ئالیێن سیاسی پێکڤە ڤی باری هەلبگرن . 
ئەڤە ژی ئەرکەکێ نشتیمانی یێ فەرە پێتڤی یە ب هەڵویستەکێ بڤی ڕەنگی ئالیێن سیاسی یێن کوردستانێ وەنەکە ئەڤ خەنجەرا عەرەبێن شوفینی ل پشتا خەلکێ کوردستانێ وەشاندی چ برینا پاش خۆ نەهێلیت . 

دەربارەی پشکەکا عەرەبێن سنی ئەوێن هێشتا نانێ کوردستانێ د زکێ واندا و پشکەک بۆن ل وەشێنەرێن ڤێ خەنجەرێ، بۆ هندەک مەرامێن خۆ یێن تایبەت ئەڤ رێکە گرتەبەر، لێ ل داهاتەکێ نەیێ دوور  شیعەیێن عیراقێ دربێن مەزنتر دێ لێ وەشنیت ،
 لێ پێتڤی وی دەمی هەرێما کوردستانێ ڤی هەڵویستێ وان یێ دوژمنکارانە ژبیرا وان بینیت و بۆ داهاتی دا پێتڤی یە هەرێما کوردستانێ بەرامبەر هەر گاڤەکا نە ڕەوایا ئالی و سیاسیێن عیراقی ل تۆلڤەکرنێ بگەرێت ، نەک لێبوورینێ ، 
چونکی وان خۆیاکر کۆ میانڕەوی و لێبۆرین و هەوڵێن پێکڤە ژیانێ ژلایێ سەرکردایەتیا کوردستانی ، تنێ لدەمێن تەنگاڤیا دا وەردگرن و د بەرفرەهیان دا کوردا هەردەم ب دوژمن دبینن ..! 

ژلایەکێ دیتر ئالیێن سیاسی یێن عەرەب دوو مەبەستێن دیتر لڤێ یاسایێ هەنە ، 
ئێک :ــ برسیکرنا خەلکێ کوردستانێ داکۆ خەلکەکی هان بدەن بەرەڤ خۆنیشاندان و ئاژاوەگێریێ بچن دژی حکومەتا هەرێما کوردستانێ . 
دوو : ــ دروستکرنا ناکۆکیا دناڤبەرا پارتی و ئێکەتیێ ، زیندیکرنەڤا پرۆژێ بهەرێمکرنا سلێمانیێ و حەلەبچە . داکۆ پێگەهێ هەرێمێ ژلایێ سیاسی و نیڤ دەولەتی لاواز ببیت . 

لەوما زۆر گرنگە هەمی ئالیێن سیاسی یێن هەرێما کوردستانێ ڤی هەڵویستێ ئالیێن سیاسی یێن عەرەبێن شۆفینی ب دەرفەت وەربگرن بۆ ئێکرێزیا ناڤمالا کوردی و لایەنێن سیاسی و دەربازکرنا ڤێ قەیرانا ئابۆری لسەر خەلکێ کوردستانێ ، چ ب رێکا داهاتێن گشتی بیت یان تەنگافکرنا وان کەسێن کوردستانێ یێن لسەر حسابا کوردستانێ زوور دەولەمەند بووی و کۆمپانیێن زەبەڵاح دامەزراندی کۆ ئەوتنێ دشێن بۆ دەمەکێ درێژ مۆچێن فەرمانبەرێن کوردستانێ دابین بکەن و لدیف سیستەمێ بایۆمەتری مۆچە بهێنە دابەشکرن .





ئەم هەواڵە 1021جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad