English | عربی | Kurdî دواهەواڵ
ڕاستەوخۆ  
 
فرە ناسنامەیی جۆانیەک بۆ ژیانێ یان رێکەک بۆ ژناڤبرنێ
2020-11-14 [08:27 AM]


 

نڤیسنا: مللەت عسمەت 

 

 

مرۆڤ و جیھان دسرۆشتێ خو دا دفرە ناسنامەنە ژ رەگەز، رەنگ، نەژاد، تەنانەت ل سەر بنیاتێ ژینگەھ و جھێ جۆگرافی ژی دھێتە پۆلینکرن. مرۆڤ بڤێ ھەمی سرۆشتی و جوانیا خۆ ڤە ل دویف نەتەوێ و جھێ جۆگرافی و ناسناما مرۆڤی بخۆ ژی نەشیایە بۆ وێ ئارمانجا ھاتیە درۆستکرن پەیاما خۆ بگەھینیت.

خۆدایێ مەزن دقورئانا پیرۆز دا بانگ ل جڤاکا مرۆڤایەتیێ دکەت و دبێژیت:(يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ). نە بتنێ دتێکستێن پیرۆزێن قۆرئانێ دا بەلکی دتێکستێن ئاینێن کەڤن و نۆی دا ژی دووپاتی ل سەر وێ ئارمانجا مرۆڤ بۆ ھاتیە ئافراندن کریە.

نە بتنێ دلایەنێ مرۆڤ وەکو رەگەز و مرۆڤ وەکو نەتەوە بەلکو مرۆڤ وەکو گیاندارەکێ زیندی چەوا رەفتار دگەل زیندی یێن نە مرۆڤ کریە، ھندی شیایی ژبەھرا دیرۆکا مرۆڤی یا چوار ملیۆن سالی و یا نڤیسی ژ پتر چار ھزار سالێن بۆری . تێرا وێ یەکێ ھەیە بزانین ژبلی کۆشتن، و قرکرن، زۆلم و زۆر و بەرژەوەندیێن بەرتەنگ و تیورا دەستھەلات کرنە دەست دناڤبەرا ژن و مێران، و نەتەوە و دەولەتان دا. چ بەرھەمەکێ دی پێشکێشی جڤاکێن مرۆڤایەتیێ ھاتیە کرن، سەرەرای پێشکەفتنا تەکنۆلۆژی و زانستان ژی وەکو رێکەک بۆ کۆنترۆلکرنا ھێز و دەستھەلاتێ ھاتیە بکارئینان.

ئاشتی چ وەکو زانست و چ ژی وەکی تێگەھ چەمک و مۆدێلەکا نۆی یە، گەلەک ب سەر ڤە گەھشتیە جڤاکێن رۆژھەلاتێ، ئەو ژی دبیت مۆدێلەکا ئەمریکی-ئەورۆپی بیت وەکی دیمۆکراسیەتێ کو کریە کراس بو ناسیونالیزما خۆ!!

بونەتەوە و پێکھاتەیێن کۆردستانێ کو نەبتنێ پۆلینکرنا "مرۆڤ، ئاین ، نەتەوە" ھەیە. بەلکی دابەشکرنەکا بھێزتر ل سەر بنگەھێن گۆند، عەشیرەت، سیاسەت، جۆداھیا رەگەزی یا نە یەکسان، و خۆ گرێدان ب بابەتێن کەڤن ڤە پتر ژ ھەر تشتی کو ناسنامەیێن لاوەکی نە و پتر ئامرازن ژبۆ ئارمانجێن سەرەکی لێ بھێزتر و کۆیرتر دھێنە دیتن،   ب کۆرتی ڤایرۆس ھێرشی خالێن لاوازێن لەشی دکەت، بھێزبوون و بھێزکرنا ناسنامەیێن لاوەکی ژی نە ئەڤرۆ ب سەدان سالێن بۆری ھێرشی ھەر تشتێ مە کریە، چارە پەروەردەیە، پەروەردە ب ھەمی جۆمگێن خۆ ڤە.





ئەم هەواڵە 1114جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad