English | عربی | Kurdî دواهەواڵ
ڕاستەوخۆ  
 
كات بە هەدەر دان لەگەڵ عێراق
2020-12-01 [10:43 AM]

نوسینی : رێبوار حەمەلاو شوانی


ئەگەر چی گەلی كورد ، لە ماوەی زیاتر لە نیو سەدەی رابردوو، بە نییەتێكی ئاشتیانە و دڵسۆزانە هەموو هەنگاوێكی بەرەو چارەسەری كێشەكانی لە ریگەی ئاشتییەوە هاویشتووە تا مافەزەوتكراوەكانی مسۆگەر بێت ، بەڵام لەگەڵ هەموو ئەو هەوڵە بەردەوامانەشدا ، دوای ماوەیەكی كورت ، دەسەڵات و رژێمە یەك لە دوای یەكەكان لە بەڵێنەكانیان پاشگەز بوونەتەوە و رێگەی شەڕو بەكارهێنانی چەكیان گرتۆبەر .
سەڕەرایی ئەوەی گەلی كورد ، زۆر بە ئومێدەوە ، چاویی لە ئەنجامەكانی برایەتی كورد وعەرەب بوو ، بەڵام لە بەرانبەردا ، ئەگەر هەڵسەنگاندنێك وردبینانە بكەین ، ئەوا ئەو دروشمە تەنها دەستەواژەیەكی بەكردار بووە لە عێراقدا ، وهیچ مانایەكی نەبەخشیووە و بەڵگەی هەرە بەرچاویش هەموو ئەو پیلانگێری و چەكی كۆمەڵكوژ و نەهامەتییانەییە كە هەموو دەسەڵات و رژێمە یەك لە دوای یەكان بە یەك جۆری بیركردنەوە و تاكرٍەوانە كارەساتی گەورە و ماڵوێرانكەریان بە سەر گەلی كورد هێناوە .
بە پێچەوانەی ستەمكاری و پابەندنەبوونی دەسەڵاتدارانی بەغدا بە دروشمی برایەتی كورد و عەرەب، گەكی كورد، هەردەم پابەندی بریار وگفتگۆكردن و رێككەوتنمانەیەكانبووە لە پێناو بەدیهێنانی مافەرەوكانی بە بێ‌ ئەوەی قۆناغە یەك لە دوای یەكەكان و لێكداربرٍانەكان لە بەرچاو بگرن و بە رٍق و دوژمنكارییەوە مامەڵە و هەڵسووكەوت بكەن .بەڵام ئەوەی جێی هەڵوەستەكردنە ، برایانی عەرەب نەك هەر برایەتی گەلی كورد پێی راست نەبووە ، بەڵكو بە پێی هەموو بەڵگە مێژووییەكانی دوێنی و ئەمرٍۆمان و یستوێتی مۆرٍكی نەتەوایەتی لە ڕەگەوە دەربهێنێت و بیسرێتەوە و هەموو جۆرە تاوانێكی نامرۆڤانەی ئەنجامداوە .
بەڵگەی هەرە بەرچاویش لەگەڵ ئەوەی شۆرٍشی مەزنی ئەیلوول توانیی ، راستییەكی حاشاهەڵنەگر بەسەریاندا بسەپێنێت ، ئەویش رێككەوتننامەی 11ی ئاداری 1970 بوو، كە وەك ئاماژەیەك بە خیانەتكاری و پێشێڵكردنی ئەو برایەتییە ئەوا پاش ماوەیەكی كورت خەنجەری ژەهراوییان لە ساڵی 1975 لە پشتی هەموو گەلی كورد دا.
هەروەها ئەگەر ئاماژەیەك بۆ بوونی ئەو كەسانەی كە لە عێراق باڵا دەستی دەسەڵاتن و ساڵانێكی زۆر وەك ئۆپۆزسیۆنی رژێمی بەعسی رووخاو لە هەرێمی كوردستان بوون و لە مەترسی لەناوبردن یان پارێزراو بوون وبەڵێنی زۆریان دا و خۆیان و اپیشان دەدا كە جارێكی دیكتاتۆری و تاكرٍەویی لە عێراق دووبارە نابێتەوە و عێراق دەكەنە شامی شەریف ، بەڵام دوای ماوەیەكی كورت ئەو برایەتییەش كورد و عەرەبیش پێچەوانە بۆوە . 
بینیمان كە لە ماوەی 17 ساڵی رابردوو، ئەوەی رژێمی بەعسی رووخاو، نەیتوانی بوو لە دژی گەلی كورد و دەستكەوتەكانی تەواویی بكات ، ئەوا ئەو دەسەڵاتەی ئێستا سەرٍەرایی ئەوەی گەلی كورد رۆڵی سەرٍەكی وبونتاتنەری لە عێراقی نوێی هەبوو و ئەوكاتەیش توانیی راگەیاندنی بریاری سەربەخۆیی هەبوو ، بەڵام بینیمان ئەوا زۆر دوژمنكارانە و بێ باكانە كەوتنە دوژمنایەتی گەلی كورد .
هەموو ئەو پیلانانەی كە نەخشەیان بۆ كێشابوو هێنایاننەدی، دیارترینیان پیلانی بڕینی بودجە و مووچە و هێرش و پەلامارەكانی 16 ئۆكتۆبەری 2017 بوو، كە تاوەكو ئێستایش شاری كەركوك بە شار و شارۆچكە و گوندەكانیەوە لە ژێر دەست و داگیركاری و بەعەربكردنی ئەو برا عەرەبانەدان، كە لە ساڵانی نەوەدەكانەوە تاوەكو ساڵی 2003 و رووخانی رژێمی بەعسی، خۆشترین ژیانیان لە سەقامگیری و ئارامی و لە نێو خۆشترین باخ و هۆتێل و تەلاری شار و شارۆچكەكانی كوردستان بە هاوینە هەوارەكانیشەوە بەسەردەبردووە و هیچ كەسێك لە گووڵ كاڵتری پێنەگوتوون.
بۆیە، ئیتر بەسە، ساویڵكەی و فریوخواردن ، ئەو راستییەكە ، دەسەڵاتی عەرەب لە عێراق نەك هیچ مافێك بە گەلی كورد رٍەوا نابینی ، بەڵكو هەر بە خێرایی بێوەفایی خۆی پیشان دا و چونكە ئەوان هیچ كات باوەریان بە بەرایەتی كورد و عەرەب نییە ، كاتی ئەوەیە ، كە ئیتر تەنها بیر لە بەرژوەندییە باڵاكانی گەل و نیشتیمانەكەمان بكەینەوە چیترخۆمان هەڵنەخەڵەتێنین.





ئەم هەواڵە 5440جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad