English | عربی | Kurdî دواهەواڵ
ڕاستەوخۆ  
 
بەرەڤ کۆنگرێ چاردێ : کۆنگرە و رێبازا بارزانی
2021-03-02 [03:46 AM]

نڤیسینا : غیاس خالد زێباری


پارتی دیموکراتی کوردستان بەری نێزیکی ( 75 ) ساڵان لسەر دەستێ نەمر مستەفا بارزانی رێبەرێ رۆحیێ گەلێ کورد و پێشەوایێ رێبازا بارزانی وەکی پێتڤیەکا فەر هاتیە دامەزراندن ، دامەزراندنا پارتی دیموکراتی لسەر بنەمایێن رێبازا بارزانی ، ئەو رێبازا لسەر دەستێ شێخێن ماڵباتا بارزان وەکی شێخ ( عبد اللە بارزانی ) باپیرێ مەزنێ بارزانی نەمر و شێخ ( عبد السلام ) ێ ئێکێ  و کۆڕ و نەڤیێن وی هاتیە دامەزراندن و برەنگەکی خورستکی خەلکەکێ زۆر لێ کۆمبووی ، ئەڤ خورستکیا خەلک لدۆر کۆمکری ل بەراهیێ ئایینداری و دادپەری و بەڕەڤانیکرنا وانبوو ل ماف و بەرژەوەندێن خەلکێ هەژار و زوڵم لێکری ، ژلایێ چینەکا جڤاکیا دیارکری هەتا گەهشتیە سەردەمێ شێخ ( محمد بارزانی و شێخ عبد السلامێ دۆیێ و شێخ احمدێ بارزانی ) . 

ئاستێ هشیاریا نەتەوایەتی و رەوشەنبیری و زانستی و جڤاکیا پێشەوایێن رێبازا بارزانی و بەردەوامیا خرڤەبۆنا خەلکێ هەژار و زۆڵم لێکری ئاستێ هشیاریا نەتەوی و نشتیمانیا  خەلکی ژی زێدەتر کر هەتا کۆ دەست ب بزاڤێن سیاسی بکەن و ب نوونەرایەتیا خەلکێ کوردستانێ داخازیا مافێن سیاسی و کارگێری بکەن ل دەسهەڵاتدارێن داگیرکارا یێن وی سەردەمی ، بتایبه‌ت لسەر دەمێ شێخ ( عبد السلام ) ێ دۆیێ و پشتی وی ، هەتا دگەهیتە دامەزراندنا پارتی دیموکراتی کوردستان ل ساڵا ( 1946 ) ، هەتا نهۆ ژی پارتی و بارزانی دۆ پەیڤێن پێکڤە دگرێداینە و دهێتە گۆتن کۆ پارتی لسەر رێبازا بارزانی دچیت .

ئەڤی درۆشمی ئانکۆ گرێدانا پارتی دیموکراتی کوردستان ب رێبازا بارزانی ئەگەرەکێ سەرەکی یە کۆ هەتا نهۆ پارتی وەکی پڕ جەماوەرترین پارتیا کوردستانی هێلایە و دشێت بسەر ئاریشە و پیلانا زاڵ ببیت . 

ب فەر دبینم کۆنگرێ چاردێ بنەمایێن رێبازا بارزانی و کەلەپوورێ بارزانی نەمر ب بەرفرەهی بێخیتە دناڤ پرۆگرامێ پارتی دیموکراتی کوردستان دا ، هەرچەندە ل پرۆگرامێ نهۆ ل مادێ (پێناسا پارتی ) دا ئاماژە پێ کریە ، لێ بدیتنا من پێتڤی یە بەرفرەهتر لسەر راوەستیت و د مادەکێ سەرەکی دا ببیتە بریار و کارناما پارتی بۆ قوناغێن داهاتی ، یان ژی ژبڵی پرۆگرامی لیژنەیەکا شارەزا ب کۆمکرنا بنەمایێن رێبازا بارزانی و کەلەپوورێ بارزانی نەمر راببیت ، مینا دەستوورەکی بهێتە پەسندکرن و لیژنەیەکا تایبەت ژی ل بارەگای بارزانی بهێتە پێکئینان بۆ چاڤێریکرنا بجهئینانێ و زەنگینکرنا کادر و ئەندام و جەماوەرێ پارتی ب بنەمایێن رێبازا پیرۆزا بارزانی .
چونکێ ب چەسپاندنا بنەمایێن رێبازا بارزانی چاکسازی و دادوەری دێ بەرجەستە بن و گەلە و گازندە نامینن ، دێ شێین بێژین کۆ رێبازا بارزانی پرۆژەیەکی گشتگیرێ چاکسازی و دادوەریێ و دادوەریا جڤاکی یە و هەمی لایەنێن ژیانا سیاسی و جڤاکی و کارگێری و دارایی لخۆ گرتینە . 
چەسپاندن و پەیڕەوکرنا رێبازا بارزانی د کارێ رۆژانە یێ پارتایەتی دا ، دێ کارڤەدان و کاریگەریا خۆ لسەر سازیێن رێڤەبرنا وەڵاتی ژی کەت بۆ رازیکرنا خەلکی و گرێدانەکا موکۆم دناڤەرا خەلکی و دەستهەڵاتێ دا و ڤیان وەڵاتی و نەتەوەی .





ئەم هەواڵە 907جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad