English | عربی | Kurdî دواهەواڵ
ڕاستەوخۆ  
 
بەرەڤ کۆنگرێ چاردێ ، پێشمەرگەهێن دێرین و رێکخستنێن نهێنی
2021-03-10 [10:36 AM]

نڤیسینا : غیاس خالد زێباری


گۆمان تێدا نیە پارتی دیموکراتی کوردستان ل هەبوونا خۆ هەتا نهو پێشڕەوی و پێشەوایەتیا بزاڤا سیاسی و شۆرەشێن رزگاریخوازێن کوردستانی کریە ، 
ئەڤە ژی نیشانێ تێکەلبوونا پارتی یە  دگەل رهــ و ریشالێن جڤاکێ کوردستانیێن ئازادیخواز و هەلگرێن هەستا نەتەوی و نشتیمانی . 

لسەر ئاستێ شۆرەشێن چەکداری خەلکێ زۆر ل پرانیا دەڤەرێن کوردستانێ پەیوەندی ب شۆرەشا کریە و وەکێ پێشمەرکەهـــ دەست  خەباتێ کریە ژپێخەمەت بدەستڤەئینانا ماف و ئارمانجێن خەلکێ کوردستانێ ئەوێن ب رێژاهیا دیرۆکێ رژێمێن داگیکار لێ زەفت کری و هەو و کریکارێن بەرفرەهــ یێن دووری رەوشتێ مرۆڤایەتی بەرامبەر کرینە . 

خەبات و خۆڕاگریا وان پێشمەرگەهێن کوردستانێ ئەوین ژین و ژیارا خۆ و ماڵباتا خۆ ئێخستینە د مەتریان دا بۆ دابینکرنا بەختەوەریێ بۆ خەلکێ کوردستانێ  و زڤڕاندا وان مافێن لێ هاتینە زەفتکرن ، بتایبەت لسەر دەمێ شۆڕەشا مەزنا ئیلۆنێ و گوڵانا پێشکەفتنخواز . 

تۆمارکرنا چەندین داستانا ژلایێ پێشمەرگەهێن کوردستانێ لسەر لەشکرێ رژێما داگیرکارا عیراقێ ڤاکتەرەکێ مەزن بوون بۆ ناساندنا  دۆزا سیاسیا کوردستانێ ب جیهانێ و ڤەگەراندنا رژێمێ بۆ دیالۆگ و دانۆستاندنان ، دڤان شۆڕەشێن رزگاریخوازی دا هژمارەکا زۆرا پێشمەرگەهێن قەهرەمان بوونە قوربانی وەکی شەهید و بریندار ، هژمارەکا زۆرا وان ژی هاتنە پاراستن  و هەتا نهۆ د ژیانێدا مانە . 

دەستکەفتێن ئەڤرۆ یێن کوردستانێ بەرهەمێ خوینا وان شەهید و بریندار و خەبات و خۆڕاگریا پێشمەرگەهانە کۆ ئەڤرۆ پشکەکا زۆرا هیڤی و ئارمانجێن خەلکێ دابین بوونە . 

لسەر ئاستێ سیاسی و رێکخستنێن پارتایەتی ژی رۆلێ رێکخستنێن نهێنی یێن پارتی دیموکراتی کوردستان ل رۆلێ پێشمەرگەهێن د سەنگەران دا کێمتر نەبوویە ، چونکی  چالاکیێن وان یێن پارتایەتی چ ژلایێ ئەنجامدانا کۆمبوونا بۆ بلندکرنا ئاستێ هشیارا نەتەوی یان بەڵاڤکرنا بەڵاڤۆکێن پارتایەتی دناڤ جەرگێ رژێمێ دا تا گەهشتنە بەغدا یا پایتەختێ عیراقێ ، سازیێن سیخۆڕی و ئەمن و ئستیغباراتێن رژێمێ حیبەتی کربوون ..!  بەڵاڤۆک و پەیامێن پارتی و شۆرەشێ دگەهشتنە دناڤ زانکۆیێن عیراقێ و ماڵێن رەفق و بەرپرسێن رژێمێ ، بەردەوام درۆشمێن شۆرەشێ و پارتایەتی و ناڤێ بارزانی و پێشمەرگەهی ل جهێن بەرچاڤ یێن گەشتیاری و پارکا دهاتنە بەڵاڤکرن ،
گەهشتە وی ئاستی ئەڤ بەڵاڤۆکە ل پشتا وان رەفیقێن رژێمێ بهێنە دا ئەوێن بەردەوام چاڤدێریا رێکخستنێن پارتی دکر و خەلکەک دایە گرتن . 

خەلکەکێ زۆر لسەر چالاکیێن رێکخستنێننهێنی هاتنە شەهیدکرن و ئەشکەنجەدان د زیندانێن رژێمێ دا ،  لەوما ژیانا وی خەلکێ رێکخستی دناڤ رێکخستنێن نهێنی دا و کەس و کار و ماڵباتێن وان هەردەم د مەترسیێ دابوو . 
لسەرهەلدانا پیرۆزا خەلکێ کوردستانێ ژی یا ئادارا ساڵا 1991 ێ رۆلێ رێکخستنێن نهێنی بۆلەکا پیرۆز و بەرچاڤ و کاریگەر بوو ژبووی رێکخستن و سەرپەرشتیا سەرهەلدانێ  و پاراستنا ملکێن گشتی و سازی و ئاڤاهیێن میری . 

ئەڤ شۆرەشگێر و خەباتکارە پێتیڤی ب رێزلێنانەکا بەردەوام و رێکخستنێ نە داکۆ بزانن بەرهەمێ خەبات و ماندیبوونا نەهاتیە ژبیرکرن و نفشێ نهۆ و داهاتی وان بناسیت و لبەرچاڤ بگرن و مینا وان رێکا خەبات و بەرگریێ و فیداکاریێ بگرن . 

فەرە پارتی دیموکراتی کوردستان د کۆنگرێ چاردێ دا ڤێ پرسێ چارە بکەت، چونکێ پێشمەرگەهــ و رێکخستنێن دێرین هەست ب فەرامۆشکرنێ و ژبیر کرنێ دکەن ،  ئەڤ پرسە ژی بڤەکرنا پشەکێ بناڤێ پێشمەرگەهــ و رێکخستنێن دێرین ل مەکتەبا سیاسی یان سازیەکا تایبەت ، داکۆ ئەڤ پشکە یان سازیە ب ئەرکێ رێکخستنا وان و بەڕەڤانیکرنێ ل مافێن وان راببیت .





ئەم هەواڵە 1444جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad