English | عربی | Kurdî دواهەواڵ
ڕاستەوخۆ  
 
رێکەفتنا ( ١١ ) ێ ئادارێ وەکی ئۆپەڕاسیۆنەکا سەرکەفتیا نەتەوی و نشتیمانی
2021-03-16 [07:37 AM]

نڤیسینا : غیاس خالد زێباری


رێکەفتنا یازدێ ئادارا سالا ١٩٧٠ دناڤبەرا سەرکردایەتیا بزاڤا رزگاریخوازیا کوردی و رژێما وی دەمی یا عیراقێ لژێر دەسھەڵاداریا حزبا بەعس ژئەنجامێ سەرکەفتنا شۆرەشا مەزنا ئیلۆنێ بۆ ب رێبەریا پارتی دیمکراتی کوردستان و بارزانی نەمر بسەر لەشکرێ لەسھەڵاتداریا شەڕخواز و دڕندە و بنپێکەرا ماف و ئازادیان بتایبەت بەرامبەر مافێن خەلکێ کوردستانێ .
ژلایێ سیاسی و دەستووری و دانپێدانێن ھەرێمی و نیڤ دەولەتی ب ماف و ئارمانجێن خەلکێ کوردستانێ بڤێ رێکەفتنێ زۆر ھاتیە بەحسکرن و نڤیسین ، براستی ژی سەرکەفتنەکا ھەرە مەزن بوو بۆ شۆرەشا کوردی ب رێبەریا بارزانی نەمر و ھەردەم جھێ شانازیێ یە ، چەند لسەر بھێتە گۆتن و نڤیسین ھەر کێمە ، لێ ئەوا من دڤێت دیار بکەم لایەنێ پەروەردەیا نشتیمانی و نەتەوی یە ، پشتی ڤێ سەرکەفتنا مەزن و چار پێنج ساڵێن دانۆستاندنان ھەتا دەستپێکا سالا ( ١٩٧٥ ) ێ .

راستە پشتی بەرپابوونا شۆرەشا مەزنا ئیلۆنێ ل ١١/٩/١٩٦١ ھەتا سالا ١٩٧٠ ژبار پارتی دیموکراتی کوردستان ب رێبەریا بارزانی نەمر ، ژبلی تۆمارکرنا سەرکەفتن و داستانێن مەزن یێن پێشمەرگەھێن کوردستانێ بسەر لەشکرێ رژێمێن عیراقێ ، ئەڤ شۆڕەشە دڤان ساڵان دا قوتابخانەیەکا بەرفرەە بوو ژلایێ بلندکرنا ھەست و ھشیاریا نەتەوی و نشتیمانی ژلایێ تاکێ کورد ، لێ ئەو ھەوا بەرفرەە یا بلندکرنا ئاستێ ھشیاری و ھەستا نەتەوی و نشتیمانی ژلایێ تاکێ کورد پشتی رێکەفتنا دیرۆکیا یازدێ ئادارا سالا ١٩٧٠ ێ زۆر ل وان دەھــ ساڵێن شۆرەشا ئیلۆنێ بەرفرەھتر بوو ، و ئاستێ ھشیاریا خەلکی گەھشتە کۆپیتکێ . 
مەبەست نە ئەوە رۆلێ شۆرەشا ئیلۆنێ دڤی بووارەی دا کێم بکەین ، لێ د وان ساڵێن دانۆستاندان دا دەلیڤەکا زێرین بۆ پارتی دیموکراتی کوردستان وەکی سەرکێشا بزاڤا رزگاریخوازیا کوردستانی ھەلکەفت کۆ زێدەتر و ب ئازادەنە بگەھیتە ھەمی دەڤەرێن باشوورێ کوردستانێ و رێکخستنێن خۆ بەرفرەھتر بکەت و بارەگایێن پارتی بھێنە ڤەکرن ، خەلکێ کوردستانێ ب ئازادنە و ب کۆمەل رۆژانە پەیوەندی ب رێکخستنێن پارتی و ھێزێن پێشمەرگەھێن کوردستانێ دکر ، ئەڤ پەیوەندیا وان ژی بۆیە ئەگەر کۆ ب پرنسیپێن نەتەوایەتی و نشتیمانی و پارتایەتی و بنەمایێن رێبازا باروانی بھێنە پەروەردەکرن . 
ژلایەکێ دیتر بفەرمیبوونا زمانێ کوردی و خاندنا قوتابخانا بزمانێ کوردی ل پرانیا دەڤەرێن کوردستانێ و ئازادیا کەناڵێن راگەھاندنێ و وەشانا ھژمارەکا گۆڤار و رۆژناما بزمانێ کوردی دیسان ھەوەکا بەرفرەە بوو ، بۆ بلندکرنا ئاستێ ھشیارا نەتەوی و نشتیمانی ل باشوورێ کوردستانێ . 

ئەگەر بەراووردیەک دەربارەی ئاستێ ھشیارا نەتەوی و نشتیمانی ل باشوورێ کوردستانێ ل بەری رێکەفتنا ١١ ێ ئادارا سالا ١٩٧٠ ی یێ و پشتی وێ بھێتەکرن ، دێ دیار بیت کۆ ئەڤ رێکەفتنە بوویە ئەگەرێ بلندکرنا ھەستا نەتەوی ب رێژەیەکا ھەرە زۆر .
د وێ ناڤبەرێ دا ( ١٩٧٠ ــ ١٩٧٥ ) ێ خەلکەک بوویە ھەلگرێ ھەستەکا بلندا نشتیمانی و نەتەوی  کۆ بەری ھنگی خەلکەکێ زۆر فاما نەتەوایەتیێ نەکر بتایبەت تەخا لاوان ، چونکی د ھەمی ژیانا خۆدا درۆشم و راگەھاندن و پەروەردەیا رژێمێن داگیرکا ددیت ، ڤان رژێما بەردەوام ھەوڵ ددا لسەر بنەمایێن حەزا عیراقچیەتێ و رژێما دەسھەڵاتدار پەروەردە بکەن نەخاسمە دەڤەرێن سنووری لگەل عیراقا عەرەبی و تێکەلیا کورد و عەرەبا ، زۆر خەلکێ کوردستانێ زمانێ دایکێ ژبیر کربوو ، ئەگەر رێکەفتا پیرۆزا سالا ١٩٧٠ ێ یێ نەبا خەلکەکێ زۆر ل باشوورێ کوردستانێ دا زمانێ عەرەبی بکار ئینیت ، ھەر وەکی وان کوردێن ھەتا سالا ٢٠٠٣ ێ لبن دەستێ رژێمێ زمانێ کوردی ژبیری کری و ھەتا نھۆ ھێشا کاریگەریا عەرەبیێ لسەر مایە ، ئەگەر ب عەرەبی ژی نەئاخڤن کوردیا وان یا لەنگەرە ...!

دڤێرەدا دیار دبیت کۆ رێکەفتنا یازدێ ئادارا سالا ١٩٧٠ ێ یێ ژبلی کر سەرکەفتنەکا سیاسی و دبلۆماسی و نشتیمانی و نەتەوایەتی و کلتووری و کارگێری و ئابۆری و ئاڤەدانی بوو ، سەرکەفتنا ئۆپەراسیۆنەکا بەرفرەھــ یان بلندکرنا ئاستێ ھشیاریا نەتەوی و نشتیمانی بوو ژلایێ تاک و جڤاکێ کوردستانی . ئەو پشتەڤانیا خەلکێ کوردستانێ ب ھەمی تەخ و چینێن جڤاکی بۆ شۆرەشا گۆڵانا پێشکەفتنخواز ژی ژبەر کاریگەریا وێ ئۆپەراسیۆنا ھشیاریا نەتەوی .





ئەم هەواڵە 883جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad