English | عربی | Kurdî دواهەواڵ
ڕاستەوخۆ  
 
ڕێگری نەگرتن ل تاوانێ ، تاوانە
2021-05-20 [05:51 AM]

نڤیسینا : غیاس خالد زێباری


مخابن روژا 18/5/2021 لبەر دەرگەهێ ئۆفێسا نوونەرایەتیا نەتەوەیێن و ب ئامادەبوونا هندەک کەناڵێن ڕاگەهاندنێ گەنجەکێ کوردێ رۆژهەڵاتێ کوردستانێ ب خۆسۆتنێ هەوڵا خۆکۆشتنێ دا ، سۆپاس کۆ نەهاتیە کوشتن . جهێ حیبەتیێ ئەوە بەرێ هەوڵا خۆ سۆتنێ بدەت گەنگەشە لگەل پەیامنێرێن وان کەناڵێن ڕاگەهاندنێ کریە و ئێک ژ پەیامنێران زێدەتر ل جارەکێ پسیار پێکریە ، ئەرێ براستێ دێ خۆ سۆزی ..؟ یا ژڤێ حیبەتیتر ئەوە لپێش چاڤێن وان پەنزین بخۆداکریە و پشتی دوو سێ جارا کارنەکرنا چەرخێ پاشا ئاگر بەردایە خۆ و ب دژواری هاتیە سۆتن ، دیسان وان رۆژنامەڤان کونترۆل لسەر نەکر ئانکۆ ڕێگری لێنەکر ...! ئەڤ روودانە جهێ پسیارێیە، ئەرێ بۆچی تنێ کەناڵێن ئێک لایەنێ سیاسی هاتینە داخازکرن بۆ روومالکرنا ڤێ روودانێ ..؟ بۆچی رێک لێنەهاتەگرتن ...؟ ب دیتنا من ئەڤ روودانە پێشوەخت یا پلان دارشتی بوویە بۆ مەبەستێن سیاسی و کرێت نیشاندانا هەولێرا پایتەخت و روولێ سازیێن ئێمناهی ، ئەگەر نە بۆچێ کەناڵێن دیتر یێن ڕاگەهاندنێ نەهاتینە داخازکرن ..! ژلایەکێ دیتر بۆچی ئەو رۆژنامەڤانێن کەناڵێن دیارکری رێگری لخۆ سۆتنا وی گەنجی نەکر و بەڵاڤکرنا پەیامەکا دلتەزینا بڤی ڕەنگی ل گیانێ گەنجەکی گرنگتر دیت ..! ئەگەر چ مەبەستێن سیاسی لپشت نەبن ..! چونکی ئەرکێ ڕاگەهاندنێ و ڕاگەهاندکارا ئەرکەکێ مرۆڤایەتی و جڤاکی یە ، لێ وان ڕاگەهاندکارا بەرۆڤاژی ئەرکێ خۆ ڕەفتار و سەرەدەریکرن ..! ژلایێ مرۆڤایەتی و ئایینی و ئەخلاقی پێتڤی بۆ رۆژنامەڤانێن ئامادەبووی رێگری لخۆسۆتنا ڤی گەنکی کربا و ئاسزێن ئێمناهیێ پێشوەخت ئاگەدارکربان ، لێ مخابن وان رۆژنامەڤانێن بەرهەڤبوویی کۆپیتکا بێ ڕەوشتی و نەمرۆڤایەتیا خۆ نیشا جیهانێ دا و چ سەنگ و بها بۆ وان سازیێن ڕاگەهاندنێ ژی نەهێلان ئەوێن کار بۆ دکەن ، ئەگەر ئەو رۆژنامەڤان و پەیامنێر ژلایێ کەناڵێن خۆ یێن ڕاگەهاندنێ نەهێنە سزادان و لادان ، هەڤپشکێن وێ تاوانێ نە . چونکی رێگری نەکرن ل ئەنجامدانا تاوانێ ، پکداریکرنە ل تاوانێ ئەگەر د شیان دا هەبیت ، ئەڤان کەسا ژی دشیا ڕێگریێ لێ بکەن . هەر وەکی ( محمد ) پێغەمبەر سڵاڤێت خودێ لسەر بن دبێژیت . ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم ئەگەر وە خرابیەک دیت بدەستێن خۆ بگۆرن ئانکۆ رێگریێ لێ بکەن ، ئەگەر نە ب زمانێ خۆ ، ئەگەر نە ب دلێ خۆ ، ئەڤە ژی لاوازترین باوەری یە . وان بەرهەڤبوویا دشیا زدەستێن خۆ رێگریێ لێ بکەن چونکی چ ئاستەنگ لپێش نەبوون و خەلکێ کوردستانێ و مرۆڤایەتی دا دەستخۆشیێ لێکەت . مخابن لجهێ رێگریلێکرنێ بوونە پاڵدەرێن ڤێ تاوانا مەزن بوون . ئەگەر حکومەتا هەرێما کوردستانێ ژی وان رۆژنامەڤانا ب تاوانبار هژمار نەکەت پێتڤی یە خەلکێ کوردستانێ نەخاسمە خەلکێ هەولێرا پایتەخت ب شەرمزارکرنێ وان کەناڵێن ڕاگەهاندنێ سزا بدەت . سازیێن ئێمناهیێ ژی پێتڤی یە دیفچوونەکا باش لدیڤ ئەگەر و پاڵدەرێن روودانێ بکەن ، دبیت ژلایێ لایەنەکێ سیاسی ب پاداشتێن مادی هاتبیتە هاندان .





ئەم هەواڵە 3394جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad