English | عربی | Kurdî دواهەواڵ
ڕاستەوخۆ  
 
فەرماندەیەكی حەشدی شەعبی هەڕەشە لەئەمەریكا دەكات
2021-07-06 [08:29 AM]

ZNA – هەولێر


فەرماندەیەكی حەشدی شەعبی هەڕەشەی تۆڵەسەندنەوە لە هێزەکانی ئەمریکا دەکات، لە بەرامبەر ئەو هێرشەی لە 27- 6 -2021،  لەسەر سنووری عێراق و سووریا کرایە سەریان، دەڵێت، لە عێراق بێ یان لە هەرێمی کوردستان، یان لە هەر شوێنێکی دیکە، تۆڵە لە ئەمریکا دەکەینەوە.

ئەبو ئالا وەلائی، فەرماندەی کەتائیب سەید ئەلشوهەدا لە چاوپێکەوتنێکدا لەگەڵ ئاژانسی ئەسۆشیەیتد پرێس رایگەیاندووە: هێزەکانیان لەسەر هەموو شەقامێک و لە نزیک هەموو سەربازگەیەکی ئەمریکا هەن، دەشڵێت لە ئاسمان بێت یان لەسەر وشکانی بێت، لە دەریا بێت، لە هەرێمی کوردستان بێت، لە هەر شوێنێک بێت، "پەیمانمان داوە تۆڵەبکەینەوە."

لە 27 حوزەیران،  ئەمریکا سێ کۆگای چەک و تەقەمەنی کە تایبەت بوون بە ھێزەکانی حیزبوڵڵا و کەتائیب سەیدئەلشوھەدا، لە سنووری عێراق و سووریا بۆردوومانکرد و کوژرانی چوار چەکداری لێکەوتەوە.

هەرچەندە ئەمریکا هێرشەکە وەکو وەڵامێک بۆ بەئامانجکردنی باڵیۆزخانە و کۆنسوڵخانەکانی لە عێراق و هەرێمی کوردستان ناوبردووە، بەڵام گرووپەکانی حەشدی نزیک لە ئێرانی گڕ تێبەرداوە و هەڕەشەی هێرش و وەڵامێکی تووندتر دەکەن.

 





ئەم هەواڵە 850جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad