English | عربی | Kurdî دواهەواڵ
ڕاستەوخۆ  
 
وه‌زیری ته‌ندروستی: کۆرۆنای گۆڕاو لە جۆری دەلتا لە هەرێمی کوردستان دەستنیشانکراوه‌
2021-07-15 [11:48 AM]

ZNA - هه‌ولێر


 

سامان بەرزنجی، وەزیری تەندروستی حکومەتی هەرێمی کوردستان لە کۆنفرانسێکی رۆژنامەوانیدا رایگه‌یاند، ژمارەی تووشبووانی کۆرۆنا بەراورد بە چەند هەفتەی رابردوو روو لە هەڵکشانە، وتیشی، ڤایرۆسی کۆرۆنای گۆڕاو لە جۆری دەلتا لە هەرێمی کوردستان دەستنیشانکراوە، داواشی له‌ هاونیشتمانیان كرد به‌ به‌ستنی ماسك و دووری نێوان خۆیان بپارێزن.

ئەمڕۆ پێنجشەممە 15-07-2021 ئەنجوومەنی وەزارەتی تەندروستی هەرێمی کوردستان بە ئامادەبوونی راوێژکار و بەڕێوەبەرانی گشتی و بەڕێوەبەرایەتی خۆپارێزی تەندروستیی پارێزگاکان لەبارەی دۆخی کۆرۆنا کۆبووەوە.

دکتۆر سامان بەرزنجی، وەزیری تەندروستیی هەرێمی کوردستان رایگەیاند، ڤایرۆسی کۆرۆنای گۆڕاو لە جۆری دەلتا لە هەرێمی کوردستان دەستنیشانکراون، ئێمە ماوەیەکی زۆرە بەدواداچوون دەکەین و پشتڕاستبووەوە کە ئەم جۆرەی کۆرۆنا لە هەرێمی کوردستان بڵاوبووەتەوە.

وتیشی، هۆشیاریی تەندروستی لە هەموو شتێک گرنگترە، بۆیه‌ ده‌بێت هاونیشتمانیان خۆیان بپارێزن.

سامان بەرزنجی باسی له‌وه‌ش كرد، بۆ یەکەمجار وەکو وەزارەتی تەندروستی کیتی تایبەت و پێداویستی تایبەت بە دەستنیشانکردنی ئەو جۆرەی کۆرۆنا [دەلتا] دابینکراوە و لەسەر ئاستی عێراقیش تەنیا لە هەرێمی کوردستان ئەم جۆرە دەستنیشانکردنە دەکرێت.

ئه‌وه‌شی خسته‌روو، بەپێی راپۆرتە تەندروستییەکان ئەم جۆرەی کۆرۆنا بەخێرایی بڵاودەبێتەوە و دەبێت هاونیشتمانیان زیاتر خۆیان بپارێزن، چونکە ئێستا ڤایرۆسی کۆرۆنای جۆری دەلتا لە هەرێمی کوردستان بوونی هەیە.





ئەم هەواڵە 1267جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad