English | عربی | Kurdî دواهەواڵ
ڕاستەوخۆ  
 
تەندروستی عێراق داوای قەدەغەی هاتووچۆی گشتگیر دەکات
2021-07-18 [11:02 AM]

ZNA_ هەولێر


وەزارەتی تەندروستیی عێراق لەبارەی دۆخی کۆرۆنا و بەرەنگاربوونەوەی ئەو پەتایە دوو بژاردە دەخاتەڕوو، یەکێکیان سەپاندنی قەدەخەی هاتووچۆی گشتگیرە. 

 

ئەمڕۆ یەکشەممە 18/7/2021، وەزارەتی تەندروستیی عێراق نووسراوی بۆ سەرۆکایەتیی ئەنجوومەنی وەزیران و لیژنەی باڵای تەندروستی و سەلامەتی نیشتمانی کردووە و تێیدا چەند راسپاردەیەکی لەبارەی دۆخی کۆرۆنا خستووەتەڕوو.

لە نووسراوەکەدا، وەزارەتی تەندروستی دوو بژاردەی خستووەتەڕوو: 

 

بژاردەی یەکەم:

سەپاندنی قەدەخەی هاتووچۆی گشتگیر بۆ ماوەی 14 رۆژ لە 18/7/2021 بۆ 1/8/2021 .

 

بژاردەی دووەم:

سەپاندنی قەدەخەی داخستنی سنووردار کە ئەمانە بگرێتەوە:

- داخستنی مۆڵ، چێشتخانە، کافتریا، چاخانە، هۆڵەکانی سینەما، هۆڵی بۆنەکان و بووکگواستنەوە، مەساج، مزگەوت و هۆڵە وەرزشییەکان.

- دەوامی کارمەندان لە سەرجەم دام و دەزگاکانی حکومەت بۆ 25٪ کەمبکرێتەوە.

- ئامادەنەبوون لە زانکۆ و قوتابخانە و پەیمانگەکان بۆ ماوەی 30 رۆژ لە 18/7/2021 بۆ 16/8/2021 و پشت بە خوێندنی ئەلیکترۆنی ببەسترێت.

- قەدەخەکردنی گردبوونەوە لە هەموو شوێنەکانی خواپەرستی و شوێنە پیرۆزەکان لە 18/7/2021 بۆ 16/8/2021.

- قەدەخەکردنی هاتووچۆی هاووڵاتیان لە نێوان پارێزگاکان تەنیا بۆ حاڵەتی پێویست نەبێت.

- بەردەوامبوونی داخستنی دەروازە سنوورییەکان لە بەردەم خەڵکی هاتوودا.

 

ئەو نووسراوە کاردانەوەی زۆری لە تۆڕە کۆمەڵایەتییەکان بەدوای خۆیدا هێنا. 

 

سەیف بەدر، گوتەبێژی وەزارەتی تەندروستیی عێراق لە راگەیێندراوێکدا گوتی، ئەمانە پێشنیاز و بیرۆکەن لەلایەن وەزارەتی تەندروستییەوە خراونەتەڕوو، ئەگەر دۆخی ئێستای کۆرۆنا گۆڕانکاری بەسەردابێت و پێویست بکات، ئەوا رێکارەکان تووندتر دەکرێن. 

 

ئێوارەی ئەمڕۆ یەکشەممە 18/7/2021، وەزارەتی تەندروستیی عێراق رایگەیاند، لە 24 کاژێری رابردوودا 39 هەزار و 665 پشکنینی کۆرۆنا لە عێراق و هەرێمی کوردستان کراون، ئەنجامی پشکنینی 8 هەزار و 698 کەسیان پۆزەتیڤ بووە؛ 44 تووشبووی ڤایرۆسەکەش لەو ماوەیەدا گیانیان لەدەستداوە.

 

تاوەکو ئێستا ملیۆنێک و 491 هەزار و 712 تووشبووی کۆرۆنا لە عێراق و هەرێمی کوردستان تۆمارکراون؛ ملیۆنێک و 356 هەزار و 267 لەو تووشبووانە چاکبوونەتەوە، واتە 90.9%ی تێکڕای تووشبووان، هەروەها 117 هەزار و 615 تووشبووی کۆرۆنا هێشتا چارەسەر وەردەگرن، 651 لەو تووشبووانەش لەژێر چاودێریی چڕدان، 17 هەزار و 830 تووشبووی کۆرۆناش گیانیان لەدەستداوە.





ئەم هەواڵە 364جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad