English | عربی | Kurdî دواهەواڵ
ڕاستەوخۆ  
 
کۆمیسیۆن: ئەرکی لیژنەی باڵای ھەڵبژاردنەکان دابینکردنی ئاسایشە لە گواستنەوەی چاودێرانی نێودەوڵەتی
2021-08-10 [03:29 AM]

ZNA-هەولێر


کۆمیسیۆنی باڵای سەربەخۆی ھەڵبژاردنەکان لە عێراق، میکانیزمی گواستنەوەی شاندی چاودێرانی نێودەوڵەتیی لە میانی چاودێرێکردنی پڕۆسەی ھەڵبژاردنەکاندا راگەیاند.

گوتەبێژی کۆمیسیۆنی باڵای سەربەخۆی ھەڵبژاردنەکان لە عێراق، جومانە غەلای لە لێدوانێکی رۆژنامەوانییدا ئاماژەی بەوەداوە کە ئەرکی لیژنەی باڵای ئەمنیی ھەڵبژاردنەکان، دابینکردنی ئاسایشە لە گواستنەوەی چاودێرانی نێودەوڵەتی و گەیاندنیان بە ناوەندەکانی دەنگدان.

جومانە غەلای روونیشیکردەوە کە بڵاوکردنەوەی شاندی چاودێرانی نێودەوڵەتیی بە ھەماھەنگیی لەگەڵ کۆمیسیۆنی ھەڵبژاردنەکان دەبێت ئەوەیش لە میانی دانانی نەخشەیەک بۆ روونکردنەوەی ژمارەیەک بنکە و ناوەندی دەنگدان بۆیان تا خۆیان بڕیار بدەن سەردانی کام بنکە و ناوەند دەکەن کە دەیانەوێت تیایدا چاودێری پڕۆسەی دەنگدان بکەن.

پێشتر راوێژکاری سەرۆکوەزیرانی عێراق بۆ کاروباری ھەڵبژاردنەکان، عەبد حوسێن ھینداوی پلانێکی ئەنجوومەنی ئاسایشی نێودەوڵەتیی لەبارەی چاودێرانی نێودەوڵەتیی بۆ چاودێرییکردنی ھەڵبژاردنەکانی پێشوەختە ئاشکراکردبوو.

عەبد حوسێن ھینداوی رایگەیاندبوو کە ئەنجوومەنی ئاسایشی نێودەوڵەتیی بڕیاریداوە سەبارەت بە ناردنی چاودێرانی نێودەوڵەتیی بۆ چاودێرییکردنی ھەڵبژاردنەکانی پێشوەختە لە عێراق و ئاماژەی بەوەیشدابوو کە ئەنجوومەنی ناوبراو، چۆنیەتی میکانیزمی جێبەجێکردنی بڕیارەکە، ھەڵدەسەنگێنێت.

چاوەڕوان دەکرێت ھەڵبژاردنەکانی پێشوختە لە عێراق لە 10ی تشرینی یەکەمی داھاتوو ئەنجام بدرێت.





ئەم هەواڵە 877جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad