English | عربی | Kurdî دواهەواڵ
ڕاستەوخۆ  
 
پارتی هەردەم بە پێشەنگی لە كوردایەتی،قوربانیدان و بەرپرسیاریەتیی دەمێنێـەوە ..
2021-08-15 [10:17 AM]

نوسینی : رێبوار حه‌مه‌لاو شوانى


كاتی ئەوە نەهاتووە تۆزقاڵێك بە بیروهزری خۆپەرستانە و دڵی پر لە رٍق و كینەتان بە رانبەر پارتی وبارزانی چیایی سەركێش و پۆڵایین دا ، بچنەوە و چونكە مێژوو گەواهیدەری ئەو رٍاستییەیە ، زۆرێك لە دوژمنان و داگیركەرانی كوردستان كۆسپ و پیلانگێری و هەوڵی زۆر بێهودەیان دا بۆ لابردنی پارتی دیموكراتی كوردستان كە هەمیشە وەك گەورەترین كۆسپی بەردەم پیلانە شوومەكانیان بوو ریسوار و شكست خواردبووبوون .. پارتی دیموكراتی كوردستان لە مێژووی شۆڕش و بەرخۆدان و دامەزراندنییەوە تا ئێستا چەندین هەورازو نشێوی سەخت و دژواری بڕیوە و نەیارەکانی چ دەرەکی و چ نێوخۆیی هەرجارە بە پاساوێک پەلامارو هێڕشیان کردۆتە سەری بەڵام وەک هەمیشە شکستیان هێناوەو کۆی پیلان و بەرنامەکانیان لە دژی پارتی پوچەڵ کراوەتەوە . ئێستا کە پارتی لە لوتکەی سەرکەوتن و گەشەکردندایە و تاکە هیواو ئومێدی گەلێکی خاوەن ئیرادەی لەبن نەهاتووە. رابردوو و ئێستای كورد لە سایەی رێبازی كوردایەتیی و كۆڵنەدان پرە لە شانازیی و سەروەری كە دۆستان ودوژمنان باش دەزانن ،هۆكارەكەشی پێداگریی لە سەر مافەرەواكانمان و پاشگەزنەبوونەوەیە لە سەر پرسە نشیتیمان و نەتەوەییەكانمان .پارتی‮ ‬دیموكراتی‮ ‬كوردستان پارتێكی‮ ‬جەماوەری‮ ‬خاوەن مێژوو و خاوەن رابردوویەكی‮ ‬پاك و بێگەردە و پارتێكی‮ ‬خوڵقینراو بۆ خزمەتی‮ ‬گەلی‮ ‬كوردستان كە بە درێژایی‮ ‬مێژووی‮ ‬كەد هەمیشە قوربانی‮ ‬داوە بۆ ئەوەی‮ ‬كوردستانیان بە تێكڕا بە ئارامی‮ ‬و خۆشگوزەرانی‮ ‬بژین و ئاوەدانی‮ ‬هەمیشەیی‮ ‬بوونی‮ ‬هەبێت.بۆیە گرنگ و پێویستە هەمووان لە سەرتاسەری‮ ‬كوردستان شانازی پێوە‮ ‬بكەین كە پارتێك هەیە توانیویەتی‮ ‬هەمیشە پێشەنگ بێ لە خزمەت و بەرخودان و قوربانیدان بۆ ئەوەی‮ ‬كوردستان دەبێت‮.‬‬‬‬‬‬‬‬‬‬‬‬‬‬‬‬‬‬‬‬‬‬ مێژووی دوور و نزیكی بوونی پارتی لە سەنگەری كوردایەتی و كۆڵنەدان گەواهیدەری ئەو رٍاستییەكە ، بە هۆی پێداگری و هەوڵی بەردەوامی خەبات و تێكۆشانی لە پێناو مافە نەتەوەیی و نیشتیمانەییەكانی بەردەوام رووبەرووی پیلانگێری و تیرۆر و گەلەكۆمەكەی هەرێمایەتی و نێودەوڵەتیی و نێوخَۆیی زۆر بۆوە بەڵام زۆر بە باوەری پتەوەیی كوردانە و هەڵوێستی نەگۆریی و بوونی پشتیوانیی گەلی كوردستان ، توانیی هەموو ئەو پیلانگێریانە تێكبشكێنێت . ئەگەر ئاماژە ، بە سێ‌ دەیەی رابردوویی حكومرٍانی هەرێمی كوردستان بكەین ، پارتی باجی گەورەی بەخشیووە و لە پێناو چەسپاندنی مافەرەواكانی گەلی كورد ، چەندین جار و لە چەندین هەڵبژاردن ئامادە بووە قوربانیی بەدەنگی پارتی بدات ، تەنها لە پێناو ئەوەی دوژمنان دڵخۆش نەبن و هەست بەوە نەكەن كە هێزولایەن لە پێناو كورسی و پۆستێك ئامادەیە ، هەموو دەستكەوتەكان لە بارببات و نائارامی و گرژی دروست بكات ،، لەگەڵ هەموو ئەو خۆراگریی و بەرپرسیاریەتییانە ، پارتی دیموكراتیی كوردستان بە رابەرایەتی سەرۆك بارزانیی ، بە سەركەوتوویی و سەربڵندی مایەوە و هەر پێشكەوت و هەنگاوەكانیشی هەر بەرەوە پێشەوەن . ئەو سەركەوتن و خۆراگرییە و بەكردەوە خزمەتكردنی هاوڵاتیانیی و بەرپرسیاریەتیی لە كاتە هەستیارەكاندا ، دوژمنان و ناحەزانی تووشی هیستریا كردۆتەوە ، تا بە ئێستاش گەورەترین كۆسپی بەردەم رێگەیان هەر پارتی و بارزانیی و تا لە دەرفەتێكدا ، گورزێكی لێبدەن و دوژمنان دڵخۆش بكەن لە پێناو ئەو رق و كینەیەی كە دەیان ساڵە لە نێو رۆح و خوێنی پیسیان دا بوونی هەیە .. پارتی‮ ‬بە رێبەرایەتی‮ ‬پێشمەرگە و سەرۆك مەسعود بارزانی‮ ‬باشترین و شیاوترین پارتە و لایەنە كە بیكەین بە نوێنەری‮ ‬راستەقینە و پێشڕەو بۆ ئەوەی‮ ‬جارێكی‮ ‬تووشی‮ ‬ئەنفال و كیمیاباران و دەربەدەری‮ ‬و ماڵ وێرانی‮ ‬نەبین‮. ‬بە هۆكاری‮ ‬ئەوەی‮ ‬پارتی‮ ‬و سەرۆكەكەی‮ ‬خاوەنی‮ ‬راستەقینەی‮ ‬خەڵكی‮ ‬كوردستانن و هەر پارتیش بوو توانی‮ ‬بە رابەرایەتی‮ ‬بارزانی‮ ‬تەحدای‮ ‬جیهان بكات و بە دونیا بڵێت ئێمە میللەتێكی‮ ‬مەزلوم و خاوەن مافین و دانەوێ سەربەخۆ بین‮. ‬پارتی‮ ‬ئەو حزبەیە كە وەك چیاییەكی پۆڵایین لە بەردەم داگیركەران وەستایەوە و تێكشكێنەری‮ ‬خەونی‮ ‬ناحەزانی‮ ‬كورد و كوردستانە و توانی‮ ‬پلانی‮ ‬گڵاوی‮ ‬دوژمنان لە‮ ‬16ی‮ ‬ئۆكتۆبەر تێكشكێنێت و خاك و سەروەری‮ ‬كوردستان بپارێزێت لە كاتێكدا چەندین لایەنی‮ ‬تری‮ ‬بەناو كوردی‮ ‬دژی‮ ‬پرۆسەی‮ ‬سەربەخۆی‮ ‬كوردستان و هەبوونی‮ ‬قەوارەیی‮ ‬سیاسی‮ ‬و حكومڕانی‮ ‬كوردستان بوون‮. زۆرێک لە نەیارە تازە هەڵکەوتوەکانی دەیانەوێت مێژووی دۆڕاوی ئەوانەی پێشی خۆیان لە گەڵ پارتیدا دووبارە تاقی بکەنەوە بە ئامانجی لاوازکردنی لە هەڵبژاردنی داهاتودا ئەویش لە ڕێگای بەستنی هاوپەیمانیەتی و جێهێشتنی بازنەی هەڵبژاردن بۆ یەکتری و چەندین جۆری تری گەلەکۆمەکی ، بێ ئاگا لەوەی پارتی هەڵقوڵاوی نێو خەڵکە و خاوەن سەرمایەیەکی لەبن نەهاتوی جەماوەریەو هەمیشە لە نوێ بونەوەدایە و با چاوەروانی ئەم ڕاستیەش بین كە جگە لە گەواهی هەڵبژاردنەکانی ڕابردو هەڵبژاردنی داهاتوو بکەین بە سەنگی مەحەک و هەموو ئەو پیلانگێرییانەی دوێنی و ئەمرٍۆش ناتوانن ببنە بەربەست لە بەردەم كاروانی پێشەنگی كوردایەتیی پارتی دیموكراتی كوردستانە ..‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬





ئەم هەواڵە 1786جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad