English | عربی | Kurdî دواهەواڵ
ڕاستەوخۆ  
 
وەزارەتی ناوخۆی عێراق زانیاری لەبارەی كوژرانی كچەكەی جادریە ئاشكرا دەكات
2021-08-26 [06:27 AM]

ZNA-هەولێر


ئێوارەی ئەمڕۆ پێنجشەممە وەزارەتی ناوخۆی حكوومەتی فیدراڵی زانیاری لەبارەی كوژرانی كچێك لە گەڕەكی جادریە بە ناوی نۆرزان شەمەڕی بڵاو كردەوە و رەتی كردەوە كە بەر لە كوژرانی، دەستدرێژی سێكسی كرابێتە سەر.

لەمبارەیەوە لیوا سەعد مەعن بەڕێوەبەری پەیوەندییەكان و راگەیاندنی وەزارەتی ناوخۆ ئاشكرای كرد كە بەپێی زانیارییە سەرەتاییەكان، سێ كەس بەشدارییان لە تاوانەكەدا كردووە و ئەوانیش دەستبەجێ تیمێكی شارەزایان پێكهێناوە بۆ دۆزینەوەیان.

گوتیشی تاوانی كوشتنەكە بە ڕێگەی چەقۆ ئەنجام دراوە، بەڵام تا ئێستا دەرنەكەوتووە كە دەستدرێژی سێكسی كرابێتەسەر.

مەعن ئاماژەی بەوەش داوە كە بەهۆی ئەوەی تاوانەكە لەسەر شەقام ئەنجام دراوە، چاوەڕێی راپۆرتی پزیشكی دادوەریین، گوتەی شایەتحاڵ و دایكی قوربانییەكەیان وەرگرتووە.

جێی باسە ئەم ڕووداوە بووەتە جێی سەرسڕمانی هاووڵاتییانی عێراق، چونكە تاوانەكە لەسەر شەقامێكی زۆر قەرەباڵغ و پڕ لە هێزی ئەمنی لە ناوەڕاستی بەغدا ئەنجام دراوە.

پێشتر رۆژنامه‌نووس ئه‌حمه‌د عیماد له‌ تۆڕی كۆمه‌ڵایه‌تیی (فه‌یسبووك) بڵاوی كردبووە‌وه كە كچەكە تاقانه‌ی دایكی بووە به‌ ناوی نۆرزان، باوكیشی نه‌ماوه‌، له‌و كاته‌ی له‌ گه‌ڕه‌كی جادریه‌ی به‌غدا له‌ كار ده‌گه‌ڕایه‌وه‌ ماڵه‌وه‌، له‌لایه‌ن سێ كه‌سه‌وه‌ له‌ پردی جادریه‌ رفێندراوه‌ و ده‌ستدرێژیی كراوه‌ته‌ سه‌ر، دواتر به‌ چه‌قۆ كوژراوه‌.

كچه‌كە له‌دایكبووی ساڵی 2001 بووە.





ئەم هەواڵە 781جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad