English | عربی | Kurdî دواهەواڵ
ڕاستەوخۆ  
 
كه‌ركوك... داعش سەربازێکی سوپای عێراقی له‌ ناحیه‌ی سه‌رگه‌ڕان کوشت و كه‌سێكیشی رفاند
2021-09-02 [01:29 AM]

ZNA - هه‌ولێر


 

ژمارەیەک چەکداری داعش هەڵیانکوتایە سەر گوندێكی سەربە ناحیەی سەرگەڕان لە رۆژئاوای کەرکووک و لە ئاکامدا، سەربازێکی سوپای عێراق کوژرا، شەش هاووڵاتی برینداربوون و هاووڵاتییەکیش رفێندرا.

لەمبارەیەوە سەرچاوەیەک لە سوپای عێراق بەئاژانسی ئانادۆڵوی راگەیاند کە درەنگانێکی شەوی چوارشەممە ١/٩/٢٠٢١، ژمارەیەک چەکداری داعش هێرشیان کردە سەر گوندی شەعەل سەربە ناحیەی سەرگەڕان لە قەزای دووبز باکووری رۆژئاوای کەرکووک و هاووڵاتییەکی دانیشتووی گوندەکەیان بەناوی نایف محەمەد رفاند.

سەرچاوەکە ئاماژەی بۆ ئەوەیش کرد کە لە هێرشەکەی چەکدارانی داعش بۆسەر گوندی شەعەل، سەربازێکی فیرقەی ١٤ی سوپای عێراق بەناوی مەحمود سەبعاوی کوژراوە و شەش هاووڵاتییش بەناوەکانی؛ رائد محەمەد حەسەن، عارف محەمەد حەسەن، ئەسعەد محەمەد حەسەن، نەقیب مولود حەسەن، ئاسۆ مولود حەسەن و سمکۆ مولود حەسەن بریندار بوون.

سەرچاوەکە هەروەها باسی لەوەیش کرد کە دوای رفاندنی هاووڵاتییەکە، هێزەکانی سوپای عێراق و ژمارەیەک لە هاووڵاتییانی گوندەکە بەدوای ئەو چەکدارانەدا رۆیشتوون و بۆماوەی چەند خولەکێکیش رووبەڕووبونەوە لەنێوان ئەو چەکدارانەی داعش و سوپای عێراقدا روویداوه و لە ئەنجامی ئەو رووبەڕووبونەوەیشدا، حەوت کەس بوونەتە قوربانی.

لە میانی ئەم هەفتەیەدا، ئەمە دووەم پەلاماری داعشە بۆسەر گوندەکانی سنووری پارێزگای کەرکووک و رۆژی دووشەممە، چەکدارانی داعش بەگولـلە هاوەن هێرشیان کردە سەر گوندی دەکشمان لە باشووری کەرکووک و ژمارەیەک ئاژەڵ و ئۆتۆمبێل و خانووی هاووڵاتییانیان لەناوبرد و سووتاند.

 

AA





ئەم هەواڵە 727جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad