English | عربی | Kurdî دواهەواڵ
ڕاستەوخۆ  
 
وەزارەتی بازرگانی: دوو سایلۆی نوێ دروست دەكات
2021-09-11 [09:05 AM]

ZNA – هەولێر


وەزارەتی بازرگانی عێراق بڕیارى چاککردنەوەی سەرجەمی سایلۆکانى لەسەرانسەری عێراق دا، هەروەها بریاری کردنەوەی دوو سایلۆی نوێدا لە شەترە و کەربەلا.

 

 
محەمەد حەنون، گوتەبێژی وەزارەتی بازرگانی عێراق بە میدیاکانی راگەیاند، کۆگاکانی خۆراک لەبەغدا و پارێزگاکان بە بڕێکی زۆر کەلوپەلی خۆراکی دابین دەکەن، بەمەبەستی ئامادەکاری بۆ وەرگرتنی پێداویستی خۆراکی لەجاری داهاتوودا بەشێوەیەکی تەواو و گەیشتنی سەرجەمی ماددەکان بۆ ئەو کۆگایانە ئەو بڕیارەیان داوە.

حەنوون باسی لەوەشکردووە، کەشتییەک بە ٣٣ هەزار تۆن برنجی ئەرجیوانیەوە گەیشتوەتە بەندەری ئوم قەسر، ئەوانی تریش بە دوای یەکدا دەگەن.

گوتەبێژەكەی وەزارەتی بازرگانی گوتیشی: هەموو پێداویستیەکان نمونەیان لێوەرگیراوە و لە تاقیگەدا پشکنینیان بۆ ئەنجامدراوە بەمەستی دڵنیابوونەوە لە کوالێتیەکەی و ئەو پشکنینەش لەهەموو کۆگاکان بەردەستە و سەبەتەی خۆراکیش جێبەجێکراوە.

ئەو روونیشی كردەوە، وەزارەت بەڵێنی چاککردنەوە و نۆژەنکردنەوەى سەرجەم سایلۆکانی داوە بۆ ئامادەکاری وەرگرتنی خۆراك لە وەزری زستاندا و بەتایبەت لە مانگی کانوونی یەکەم و دووەمدا.

حەنون راشیگەیاند، دوو سایلۆی دیکە لە کەربەلا و شەترە دەکرێنەوە کە توانای وەرگرتنی ٣٠ هەزار تۆن پێداویستی خۆراکییان هەیە و تێچووی هەریەکێکیان ١٠ بۆ ١٢ ملیار دینار عێراقییە.

 





ئەم هەواڵە 766جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad