English | عربی | Kurdî دواهەواڵ
ڕاستەوخۆ  
 
فڕۆكه‌یه‌كی نه‌ناسراو هێزه‌كانی حەشدی شەعبی بۆردومان كرد
2021-09-15 [02:54 AM]

ZNA - هه‌ولێر


 

سەرچاوەیەکی ئەمنی بە میدیا عێراقییەکانی راگەیاندووە، درەنگانی شەوی رابردوو، فڕۆکەیەکی جەنگیی نەناسراو، ھێزەکانی حەشدی شەعبی لە قەزای قائم سەربە پارێزگای ئەنبار رۆژئاوای عێراق کردووەتە ئامانج، ھاوپەیمانی نێودەوڵەتیی رایگه‌یاند، دوێنێ سێشەممە، ھیچ ھێرشێکمان لە سنووری عێراق لەگەڵ سووریا ئەنجام نەداوە.

بەگوتە سەرچاوەکە لە ئاکامی بۆردومانەکەدا، سێ ئۆتۆمبێلی حەشدی شەعبی سووتاون و زیانی گیانیی نەبووە.

ھاوکات ھاوپەیمانیی نێودەوڵەتیی دژبە داعش رایگەیاند کە ھیچ ھێرشێکی لە سنووری عێراق لەگەڵ سووریا ئەنجام نەداوە.

گوتەبێژی ھاوپەیمانی نێودەوڵەتیی دژبە داعش، واین مارۆتۆ لە ھەژماری تایبەتی خۆی لە تۆڕی کۆمەڵایەتیی تویتەر نووسیوویەتی "دووپاتی دەکەینەوە کە دوێنێ سێشەممە، ھیچ ھێرشێکمان لە سنووری عێراق لەگەڵ سووریا ئەنجام نەداوە".

تا ئێستا ھیچ لایەنێک بەرپرسیاریەتی خۆی لە ئەنجامدانی ھێرشەکە رانەگەیاندووە.

 

AA





ئەم هەواڵە 430جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad