English | عربی | Kurdî دواهەواڵ
ڕاستەوخۆ  
 
لە لەندەن
2021-09-16 [09:10 AM]


 

نووسینی: شێروان تالیب
 

نێچیرڤان بارزانی لە سەفەرێکە ، ئەگەر ( تا ئێستا وەک سەرۆکی ھەرێم ) گرنگترین سەفەری نەبێ ، ئەوا بە یەکێک لە گرنگترین سەفەرەکانی دائەنرێ ،، لەندەن !
بە لەندەن ئەووترێ شاری تەمومژ ، ئەمەش لە تەبیعەتەکەیەوە ھاتووە ، بەڵام تەبیعەتی سیاسەتکردنیشی ھەروایە ، تەمومژاویە ، تێگەیشتن و ھەڵکردن و ڕێکردن لەگەڵیدا ، سیاسییەکی بەرچاوڕوونی ئەوێ !
نێچیرڤان بارزانی ئەزانێ ھەرێمەکەی کەوتۆتە کوێی دنیاوە ! ئەیشزانێ تەمومژی ھاوکێشە سیاسییەکانی دنیا لەسەر ناوچەکە کە بەھۆیەوە خەریکە کەس بەرچاوی خۆی نابینێ ، ڕەواندنەوەی ئەوێ ،، ڕەواندنەوەیەک ، ( ھێواش ھێواش ) سەری ھەرێمی کوردستان لەبەرزیدا دەربکەوێ ، نەک بنەوێ ! کێ بەھێز ئەکرێ با بکرێ ، گرنگ ئەوەیە ھەرێمەکەی ئەمیش بەھێز بێ و لەنێو تەپوتۆزی شەڕی تیرۆر و بەناویەکداچوونی کارتەکاندا ، دۆزی نەتەوەکەی ، خواستی گەلەکەی بزر نەبێ ، یان بزر نەکرێ ، خۆ ھەر لەبەر ئەمانەشە کە پایتەخت و پایتەخت ، ئەگەڕێ !
بەریتانیا کە پێیشی ئەووترێ ( عوزما ) ، ئەیەوێ بە عەزەمەتەوە بۆ ئەم ناوچەیە بگەڕێتەوە ، بۆ گەڕاندنەوەیشی ، سەرەتا دەستی داوەتە ( بەیەکگەیشتنەوە ) لەگەڵ کاراکتەرە سەرەکییەکانی ناوچەکە کە ھەرێمی کوردستانیش یەکێکیانە ،، بەیەکگەیشتنەوەیەک ، وەک جەوی لەندەن نەبێ ، ساماڵ بێ و ھەر کەس بزانێ ئەوی تر چی ئەوێ و چی ناوێ !
سەد ساڵی ڕابردووی ئەم ناوچەیە بۆ کەس دەرس نەبێ ، بۆ ئینگلیز دەرسە ، ئێ کەسیش نەزانێ ئینگلیز ئەزانێ کە ناوچەکە بەبێ ئەم ھەرێمە ، نە ئارامی و سەقامگیری پێ ئەبڕێ ، نە ئاشوب و ئاڵۆزیشی لێ ئەبڕێ ! کاتییەتی ئیتر ( بەجددی ) گوێ بگرێ ،، گوێ لە کەسێکیش بگرێ کە لە سیاسەتکردندا بەرچاوی ڕوونە و بۆ ئەوەش ھاتووەتە لەندەن ، تا چیتر پەیوەندیی ھەولێر ـ لەندەن ،،
تەمومژ نەیگرێ .





ئەم هەواڵە 1306جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad