English | عربی | Kurdî دواهەواڵ
ڕاستەوخۆ  
 
عێراق: خه‌رجی هه‌ڵبژاردنی تشرینی یه‌كه‌م 300 ملیۆن دۆلاره‌
2021-09-28 [07:36 AM]

ZNA_ هەولێر


راوێژكاری سه‌رۆك وه‌زیرانی عێراق، بۆ كاروباری هه‌ڵبژاردن، ئاماژه‌یپێكرد، بڕی (300) ملیۆن دۆلار، تێچووی هه‌ڵبژاردنی پێشوه‌خته‌یه‌‌، كه‌ بڕیاره‌ له‌ (10)ـی تشرینی یه‌كه‌می ئه‌مساڵ به‌ڕێوه‌ بچێت.

عه‌بدولحوسێن هینداوی، راوێژكاری مسته‌فا كازمی سه‌رۆك وه‌زیرانی عێراق، بۆ كاروباری هه‌ڵبژاردن، رایگه‌یاند، خه‌رجی هه‌ڵبژاردنی ئه‌مجاره‌ی عێراق گه‌یشتووه‌ته‌ (300) ملیۆن دۆلار، بۆ ئه‌مه‌ سه‌رۆك وه‌زیرانی عێراق داوای له‌ كۆمیسیۆنی باڵای هه‌ڵبژاردنه‌كان كردووه‌، ئه‌و بڕه‌ بۆ نیوه‌ كه‌م بكه‌نه‌وه‌.

راشیگه‌یاند، وێڕای دابینكردنی خه‌رجی بۆ بواری جیاواز و نزیكه‌ی (5) هه‌زار فه‌رمانبه‌ری كاتی به‌ شێوه‌ی گرێبه‌ست له‌ كۆمیسیۆن دامه‌زراون، كه‌ چاوه‌ڕێ ده‌كه‌ن ببنه‌ هه‌میشه‌یی.

له‌لایه‌كی دیكه‌وه‌، دادوه‌ر جه‌لیل عه‌دنان، سه‌رۆكی ئه‌نجومه‌نی كۆمیسیۆنی هه‌ڵبژاردنه‌كانی عێراق رایگه‌یاند، هه‌ڵبژاردنی ئه‌مجاره‌ جیاواز ده‌بێت.

روونیكرده‌وه‌، هۆكار زۆرن كه‌ هه‌ڵبژاردنی ئه‌مجاره‌ جیاواز بێت، ئه‌میش له‌ رووی یاسا و سیستمی هه‌ڵبژاردن، تا ئاستی په‌یوه‌ندی كۆمیسیۆن و شه‌قامی عێراقی و گوێگرتن له‌ ده‌نگیان، جیا له‌وه‌ش ژماره‌یه‌ك دادوه‌ری سه‌ربه‌خۆ له‌ كۆمیسیۆن ده‌ستبه‌كار بوون.





ئەم هەواڵە 253جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad