English | عربی | Kurdî دواهەواڵ
ڕاستەوخۆ  
 
رێکخراوی ئۆپێک ئاشکرای کرد تا ساڵی 2045 خواست بۆ بەکارهێنانی نەوت زیاد دەبێت
2021-09-30 [12:45 PM]

ZNA:هەولێر


رێکخراوی ئۆپێک لە نوێترین راپۆرتی خۆی لەسەر داهاتووی بازاڕی نەوت رایگەیاند کە لە 10 ساڵی داهاتوودا نەوت وەکو یەکێک لە گرنگترین سەرچاوەکانی دابینکردنی وزە دەمێنێتەوە.
 
رێکخراوی ئۆپێک ئاشکرای کردووە کە تاوەکو ساڵی 2045 بەهۆی ئەوەی وڵاتە هەژارەکان دەیانەوێت گەشەبکەن، خواست بۆ بەکارهێنانی نەوت زیاد دەبێت. ئەگەرچی لە وڵاتە دەوڵەمەند و پێشکەوتووەکان بەهۆی باوبوونی ئۆتۆمبێلی کارەبایی و پەرەپێدانی سەرچاوەکانی وزە بەردەوامەکان، خواست بۆ بەکارهێنانی نەوت کەمدەبێتەوە، بەڵام لە وڵاتە هەژارەکان خواست بۆ بەکارهێنانی نەوت روو لە زیادبوون دەکات.
 
ئەو رێکخراوە رایدەگەیێنێت لە نێوان 2020 تاوەکو 2045 خواست بۆ بەکارهێنانی نەوت بەریژەی 28٪ زیاد دەکات.
 
بەپێی راپۆرتی ئاسۆی بازاڕی نەوتی رێکخراوی ئۆپێک تاوەکو 25 ساڵی داهاتوو تەنیا خواست بۆ خەڵووز کەمدەبێتەوە و خواست لەسەر سەرچاوەکانی دیکەی وزە زیاد دەبێت لە نێویشیاندا خواست بۆ بەکارهێنانی گازی سرووشتی و هەروەها وزەی ئەتۆمی و وزە بەردەوامەکان.
 
لە راپۆرتە 340 لاپەڕەییەکەی، رێکخراوی ئۆپێکدا هاتووە کە بەهۆی گرینگیدان بە وزە بەردەوامەکان، خواست بۆ بەکارهێنانی نەوت لە 38 وڵاتی پێشکەوتووی جیهان کەمدەبێتەوە.
 
راپۆرتەکەی ئۆپێک روونیدەکاتەوە کە تاوەکو ساڵی 2045 ژمارەی ئۆتۆمبێلە کارەباییەکان 1.1 ملیار ئۆتۆمبێل زیاد دەکات و دەگاتە 2.6 ملیار ئۆتۆمبێل و 20٪ ی ئەو ئۆتۆمبێلانە کارەبایی دەبن.





ئەم هەواڵە 1579جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad