English | عربی | Kurdî دواهەواڵ
ڕاستەوخۆ  
 
مه‌ پێتڤى ب چ نوونه‌ر هه‌نه‌ ...؟
2021-10-07 [07:33 AM]

نڤیسینا : غیاس خالد زێباری


د جڤاكێن خودان ده‌وله‌ت و سه‌روه‌ری دا تیشكا به‌رنامه‌ و ستراتیژیه‌تێن لیست و پارت و كاندیدا لسه‌ر بابه‌تێن دبلۆماسى و جڤاكى و ئابوورى ژینگه‌ و ساخله‌مى نه‌ .
ئه‌ڤه‌ ژى تشته‌كێ ره‌وا و ئه‌رێنى یه‌ چونكى جڤاكێ وان پێتڤى ب وان بابه‌تان هه‌یه‌ ، بابه‌تێن نه‌ته‌وى ژبلى ئاسایشا نشتیمانى بابه‌تێن  لاوه‌كى نه‌ و گرنگیه‌كا زۆر پێ ناهێته‌دا چونكى خودان وه‌لاته‌كێ سه‌ربه‌خۆ نه‌ و سه‌روه‌ریا خۆ هه‌یه‌ ، سازیێن نیڤ ده‌وله‌تى به‌ڕه‌ڤانیێ لێ دكه‌ن . 
بۆ كوردستانێ چ وه‌كى جڤاك یان وه‌لات ره‌وش به‌رۆڤاژى وانه‌ ، مه‌ پێتڤى ب نوونه‌رێن وێ پارتیێ هه‌نه‌ ئه‌وێن پرسا نشتیمانى و نه‌ته‌وى یا كوردستانێ د پارێزن و پێشڤه‌ دبه‌ن ، چونكى هێشتا ئه‌م د قۆناغا خۆڕزگاركرنێ داینه‌ ، هه‌تا ئه‌م رزگار نه‌بین بابه‌تێن دیتر چه‌ند دابن ببن و پێشڤه‌ بچن خه‌لكێ كوردستانێ ناگه‌هیته‌ به‌خته‌وه‌ریێ و ماف و ئارمانجێن وان دابین نابن .
جڤاتا نوونه‌رێن عیراقێ سه‌نته‌رێ پاراستن و دابینكرنا مافێن نه‌ته‌وه‌ و ئۆل و ئه‌تنێن جڤاكێ عیراقێ و چه‌سپاندنا مافێن ده‌ستوورى یه‌ ، بۆ هه‌لبژاردنێن جڤاتا نوونه‌رێن عیراقێ پێتڤى یه‌ خه‌لكێ كوردستانێ نوونه‌رێن وێ پارتیێ هه‌لبژێریت ئه‌وا هه‌تا نهو پێشه‌وایه‌تیا بزاڤا رزگاریخوازیا كوردستانى كرى و سه‌رده‌ستێ وێ چه‌ندین شۆڕه‌ش هاتینه‌ به‌رپاكرن ، كۆ ئه‌ڤ قه‌وارێ هه‌رێما كوردستانێ به‌رهه‌مێ خه‌بات و قوربانیێن وێنه‌ . 
ئه‌و پارتا هه‌رده‌م نه‌ته‌وایه‌تى و كوردایه‌تى و به‌رژه‌وه‌ندێن گشتى یێن گه‌ل و وه‌لاتى ل پێشیا هه‌مى به‌رژه‌وه‌ندا داناینه‌ . ئه‌و ژى پارتى دیموكراتى كوردستانه‌ ، ئه‌و پارتیا ب درێژاهیا ( 75 ) سالا بێ راوه‌ستیا خه‌باتێ ژپێخه‌مه‌ت ئازادى و رزگاریا كوردستانێ دكه‌ت .
ئه‌گه‌ر به‌رپه‌رێن بزاڤا رزگاریخوازیا كوردستانى هه‌ڵده‌ینه‌ ڤه‌ دێ دیار و به‌رچاڤ بیت كو پارتى دیموكراتى كوردستان ئه‌و پارتیا ڤه‌رێژا رێبازا بارزانى ، ئه‌و رێبازا مرۆڤایه‌تى و  نه‌ته‌وایه‌تى و نشتیمانى و جڤاكى یه‌ به‌رى دامه‌زراندنا دامه‌زراندنا پارتى ژى هه‌لگرا هه‌مان درۆشم و پلان و به‌رنامێن ئازادى و رزگاریخوازى بوویه‌ . ئه‌ڤ قه‌وارێ هه‌رێما كوردستانێ لسه‌ر ده‌ستێ وێ و ب پلان و هێز و ستراتیژیه‌تا وێ و سه‌رۆك مه‌سعوود بارزانى هاتیه‌ دامه‌زراندن و پاراستن . 
پشتى ئازادیا عیراقێ ژى پارتى و سه‌رۆك بارزانى فاكته‌ر و ئه‌گه‌رێن سه‌ره‌كى بوونه‌ بۆ بده‌ستووریكرنا ڤى قه‌واره‌ى و پاراستن و پێشڤه‌برنا وێ . 
نوونه‌رێن پارتى نه‌ هه‌رده‌م دناڤ ده‌وله‌تا عیراقێ دا به‌رهنگاریا نه‌یار و دۆژمنێن كوردستانێ دكه‌ن و پیلانێن ناڤخۆیى و عیراقێ و هه‌رێمایه‌تى یێن دژى ڤى قه‌واره‌ى هه‌ڵوه‌شاندى و ژناڤ برى . 
ژلایێ سیاسى و له‌شكرى ژى هه‌رده‌م هێزا پارتى ئه‌ڤ قه‌واره‌ پاراستى یه‌ و به‌رده‌وام داكۆكى لسه‌ر مافێن خه‌لكێ كوردستانێ كریه‌ و دكه‌ت ، به‌رۆڤاژى نوونه‌رێن هنده‌ك لایه‌نێن بناڤ كوردستانێ پشتى بده‌نگێن خه‌لكى چووینه‌ به‌غدا نه‌ تنێ وێره‌كیا به‌ره‌ڤانیكرنێ ل قه‌وارێ هه‌رێما كوردستانێ نه‌بوویه‌ ، به‌لكى بووینه‌ پشكه‌ك ل دارشتنا پیلانێن ژناڤبرنا هه‌رێما كوردستانێ و سه‌پاندنا قه‌یرانێن ئابوورى و دارایى و سیاسى لسه‌ر كوردستانێ ژ پێخه‌مه‌ت به‌رژه‌وه‌ندێن خۆ یێ، تایبه‌ت ...! 
ژبه‌ر ڤان ئه‌گه‌را پێتڤى یه‌ خه‌لكێ كوردستانێ ب به‌رفره‌هى پشكداریێ دڤان هه‌لبژاردناندا بكه‌ن و ب هه‌ستیارى و دووربینى ده‌نگێ خۆ بده‌ته‌ نوونه‌رێن پارتیا وێره‌ك و ئێكگرتى و خودان هه‌ڵویستێن نه‌ته‌وى و نشتیمانى ئه‌و ژى نوونه‌رێن پارتى دیموكراتى كوردستانه‌ چونكى نوونه‌رێن پارتى ب به‌رنامه‌ و ستراتیژیه‌تا دارشتیا پارتى دێ  چنه‌ به‌غدا و به‌ڕه‌ڤانیێ ل ماف و ئارمانێن خه‌لكێ كوردستانێ كه‌ت . 
راسته‌ بابه‌تێن ئابوورى و دارایى گرێدانه‌كا راسته‌وخۆ ب ژیانا وه‌لاتیانڤه‌ هه‌یه‌ ، لێ پرسا مه‌ یا سه‌ه‌ركى پرسا نه‌ته‌وى و نشتیمانى یه‌ ، پرسا رزگاریا كورد و كوردستانێ یه‌ ، ئه‌گه‌ر ئه‌ڤ پرسه‌ چاره‌ بوو ، ئێكسه‌ر پرسێن دیتر دێ هێنه‌ چاره‌سه‌ركرن و خه‌لكێ كوردستانێ دێ به‌ره‌ڤ به‌خته‌وه‌ریه‌كا به‌رده‌وام چیت . 
پارتى ژى تاكه‌ پارتیا كوردستانى یه‌ دشێت ڤێ پرسێ پێشڤه‌ ببه‌ت و چاره‌سه‌ر بكه‌ت ، له‌وما به‌رده‌وام پیلان لدیف پیلانا بۆ دهێنه‌ دارشتن چ ژلایێ ناڤخۆیێ كوردستانێ یان لسه‌ر ئاستێ عیراقێ و هه‌رێمێ . 
له‌وما دبێژین ئه‌گه‌ر مه‌ ئازادیا كوردستانێ و به‌رخته‌وه‌ریا كوردستانیا بڤێت پێتڤى یه‌ لرۆژا 10/10\2021 بێ دوودلى و ب كه‌رنه‌ڤال بچینه‌ بنگه‌هێن ده‌نگدانێ و ده‌نگێن خۆ بده‌ینه‌ كاندیدێن پارتى دیموكراتى كوردستان .





ئەم هەواڵە 955جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad