English | عربی | Kurdî دواهەواڵ
ڕاستەوخۆ  
 
ئێران پرۆسه‌ی فرۆشتنی غاز به‌ وێستگه‌كانی عێراق راگرت
2021-10-13 [08:16 AM]

ZNA:هەولێر


سه‌رچاوه‌یه‌ك له‌ وه‌زاره‌تی نه‌وتی عێراق رایگه‌یاند، كۆماری ئیسلامی ئێران پرۆسه‌ی فرۆشتنی غاز به‌ وێستگه‌كانی به‌رهه‌مهێنانی وزه‌ له‌ باشوور و ناوه‌ڕاستی عێراق راگرتووه‌.

وه‌ك ئه‌و سه‌رچاوه‌یه‌ ئاماژه‌ی پێدا، به‌هۆی راگرتنی هه‌نارده‌ی غاز له‌ ئێرانه‌وه‌، كۆنترۆڵی ناوه‌ندی له‌ وه‌زاره‌تی نه‌وت به‌ وێستگه‌ غازییه‌كانی به‌رهه‌مهێنانی كاره‌بای راگه‌یاندووه‌، وێستگه‌كانیان بكوژێننه‌وه‌.

ئه‌و سه‌رچاوه‌یه‌ كه‌ ئاماژه‌ به‌ ناوی نه‌كراوه‌، بۆ میدیا عێراقییه‌كان ئاشكرایكردووه‌، راگرتنی هه‌نارده‌ی غازی ئێرانی بۆ عێراق، ده‌بێته‌ هۆی كه‌مبوونه‌وه‌ی كاتژمێره‌كانی پێدانی كاره‌با به‌ هاووڵاتییانی ناوچه‌كانی باشوور و ناوه‌ڕاستی وڵات.

ئه‌مه‌ له‌كاتێكدایه‌، عێراق له‌بواری وزه‌ پشت به‌ وڵاتی ئێران ده‌به‌ستێت و یه‌ك له‌سه‌ر سێی پێداویستییه‌كه‌ی له‌ غاز و كاره‌با له‌و وڵاته‌ هاورده‌ ده‌كات، كه‌ به‌هۆی ماندووبوونی ژێرخانه‌كه‌ی، ناتوانێت بۆ ئه‌و مه‌به‌سته‌ پشت به‌خۆی ببه‌ستێت.

عێراق له‌ نێوان 19 بۆ 21 هه‌زار مێگاوات له‌ وزه‌ی كاره‌با به‌رهه‌م ده‌هێنێت، له‌كاتێكدا پێداویستییه‌ راسته‌قینه‌كه‌ی سنووری 30 هه‌زار مێگاوات تێپه‌ڕ ده‌كات.





ئەم هەواڵە 463جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad