English | عربی | Kurdî دواهەواڵ
ڕاستەوخۆ  
 
بەکاریگەری زیادبوونی ئاستی عەمبارەکانی ئەمه‌ریکا نرخی نەوت دابەزی
2021-11-03 [09:59 AM]

ZNA:هەولێر


بە کاریگەری بەرزبوونەوەی بەرچاو لە عەمبارەکانی نەوتی خاوی بەرهەمی پاڵاوگەکان لە ئەمه‌ریکا، نرخی نەوت لە مامەڵەکانی ئەمڕۆ چوارشەممەدا دابەزی.

نرخی نەوتی خاوی برێنت لە گرێبەستەکانی داهاتووی بە رێژەی سەدا 1.03 بۆ 83.85 دۆلار دابەزی و نرخی بەرمیلێک نەوتی سووکی تێکساسیش لە گرێبەستەکانی داهاتووی بەرێژەی سەدا 1.45 بۆ 82.69 دۆلار دابەزی.

پەیمانگەی پێترۆلی ئەمه‌ریکا رایگەیاند، شەشەمین هەفتەیە لەسەر یەک بڕی نەوتی عەمبارکراوی ئەمه‌ریکا زیاد دەکات، سەرەڕای ئەوەش ئیدارەی سەرۆکی ئەمه‌ریکا داوای لە وڵاتانی هاوپەیمانی ئۆپێک پڵەس کردووە ئاستی هەناردەیان بەرزبکەنەوە.

هەروەها، جۆ بایدن، سەرۆکی ئەمه‌ریکا لە لووتکەی نەتەوە یەکگرتووەکان لە گلاسکۆ رایگەیاند، هۆکاری بەرزبوونەوەی نرخی نەوت سیاسەتی ئۆپێك پڵەسە، چونکە وڵاتان رەتیانکردووەتەوە ئاستی هەناردەیان بەرزبکەنەوە.

بڕیارە رۆژی پێنجشەممە، ئەندامانی هاوپەیمانی ئۆپێک پڵەس کۆببنەوە و پێشبینی دەکرێت جەخت لەسەر جێبەجێکردنی پلانی بەرزکردنەوەی مانگانە بکەنەوە.





ئەم هەواڵە 595جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad