English | عربی | Kurdî دواهەواڵ
ڕاستەوخۆ  
 
رێژەی هەڵاوسان لە تورکیا بۆ 19.89% بەرزبووتەوە
2021-11-03 [04:49 AM]

ZNA:هەولێر


دەستەی ئاماری تورکیا دەڵێت، لە مانگی تشرینی یەکەمی ئەمساڵدا، رێژەی هەڵاوسان 2.39% و رێژەی هەڵاوسانی ساڵانە بۆ 19.89% بەرزبووەتەوە، بەڵام بەگوێرەی راپۆرتی "گرووپی لێکۆڵینەوەی هەڵاوسان-ENAG " رێژەی هەڵاوسان لە مانگی تشرینی یەکەمی ئەمساڵدا 6.90% و رێژەی هەڵاوسانی ساڵانەش بۆ 49.87% بەرزبووەتەوە.  
 
دەستەی ئاماری تورکیا ئەمڕۆچوارشەممە 3ی تشرینی دووەمی 2021، قەبارەی هەڵاوسانی مانگی تشرینی یەکەمی ساڵی 2021ی بڵاوکردەوە و رایگەیاند، لە مانگی تشرینی یەکەمی ئەمساڵدا بەراورد بە هەمان وادە لە ساڵی 2020دا، هەڵاوسان بە رێژەی 2.39% بەرزبووەتەوە و هەڵاوسانی ساڵانەش کە مانگی پێشووتر 19.58% بوو، بۆ 19.89% بەرزبووەتەوە. 
 
بەگوێرەی دەستەی ئاماری تورکیا، لە مانگی تشرینی یەکەمدا کەمترین هەڵاوسان بەراورد بە هەمان وادە لە ساڵی2020دا بە رێژەی 5.29% لە کەرتی پەیوەندیکردن، بە رێژەی 7.88% لە خواردنەوە کحولییەکان و بەرهەمەکانی تووتن، بە رێژەی 8.08% لە پۆشاک و پێڵاو، بە رێژەی 13.12% لە کەرتی ئاهەنگ و کولتوور تۆمارکراوە.
  
لە بەرامبەردا زۆرترین هەڵاوسان بەگوێرەی ریزبەندی بە رێژەی 27.41% لە نرخی خۆراک و خواردنەوە ناکحولییەکان، بە رێژەی 25.23% لە نرخی چێشتخانە و هۆتێلەکان و بەڕێژەی 23.03% لە کەلوپەلی ناوماڵ تۆمارکراوە.
 
ئەمە لەکاتێکدایە پێشبینی دەکرا هەڵاوسانی چاوەڕوانکراو لە مانگی تشرینی یەکەمی ئەمساڵ 2.6% بێت و هەڵاوسانی ساڵانەش بگاتە 20.2%.  
 
لەلایەکی دیکەوە بەگوێرەی راپۆرتی "گرووپی لێکۆڵینەوەی هەڵاوسان"بێت کە هەر ئەمڕۆ بڵاوکراوەتەوە، رێژەی هەڵاوسان لە تورکیا لە مانگی تشرینی یەکەمی ئەمساڵدا 6.90% و رێژەی هەڵاوسانی ساڵانەش بۆ 49.87% بەرزبووەتەوە. 





ئەم هەواڵە 1222جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad