English | عربی | Kurdî دواهەواڵ
ڕاستەوخۆ  
 
پلاسخارت: ناكرێت له‌ ژێر چه‌تری هه‌ڕه‌شه‌ و تووند و تیژی، ده‌ستكاری ده‌ره‌نجامه‌كانی هه‌ڵبژاردن بكرێت
2021-11-25 [07:01 AM]

ZNA-هەولێر


جێنین ھێنیس پلاسخارت، نوێنەری تایبەتی سکرتێری گشتی نەتەوە یەکگرتووەکان له‌ عێراق، هۆشداری له‌باره‌ی ده‌ستێوه‌ردان له‌ ده‌نگه‌كانی به‌ ده‌ستهاتوو و یاخوود دواخستنی راگه‌یاندنی ده‌ره‌نجامی كۆتایی هه‌ڵبژاردنی تشرینی یه‌كه‌م دا.

پلاسخارت رایگه‌یاند، ناكرێ له‌ ژێر چه‌تری هه‌ڕه‌شه‌ و تووند و تیژی، ده‌ستكاری ده‌ره‌نجامه‌كانی هه‌ڵبژاردن بكرێت، پێویسته‌ عێراقییه‌كان شانازی به‌ ئه‌نجامی هه‌ڵبژاردنی تشرینی یه‌كه‌م بكه‌ن.

نوێنه‌ری تایبه‌تی نه‌ته‌وه‌یه‌كگرتووه‌كان له‌ عێراق راشیگه‌یاند، دواین هه‌ڵبژاردنی عێراق به‌ئاسانی رێك نه‌خرا، چونكه‌ له‌ نێو حاڵه‌ته‌كانی ترس و دڵه‌ڕاوكێی و كووشتن و رفاندن ئه‌نجامدرا، جیا له‌وه‌ش سه‌دان عێراقی بوون به‌ قوربانی كاری تووند و تیژی.

پلاسخارت روونیكرده‌وه‌، ئه‌مڕۆ بێت یاخوود سبه‌ی، پرسه‌ دیموكراتییه‌كان له‌ عێراق جێبه‌جێ ده‌كرێن، ترس و تیرۆر كۆتایی دێت، ناكرێت ده‌ستبه‌رداری پره‌نسیپه‌ دروسته‌كان ببین.

پلاسخارت جه‌ختیكرده‌وه‌، هه‌وڵدان بۆ تیرۆركردنی مسته‌فا كازمی سه‌رۆك وه‌زیرانی عێراق و ئه‌نجامدانی خۆپیشاندان بۆ ره‌تكردنه‌وه‌ی ده‌ره‌نجامه‌كانی هه‌ڵبژاردن، كاری نادروستن، به‌ گوێره‌ی زانیارییه‌كانی ئه‌نجومه‌نی دادوه‌ری عێراق، ساخته‌كاری له‌ هه‌ڵبژاردن نه‌كراوه‌.





ئەم هەواڵە 118جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad