English | عربی | Kurdî دواهەواڵ
ڕاستەوخۆ  
 
وەزیری پێشمه‌رگه‌: رێگە نادەین خوێنی هیچ پێشمەرگەیەکمان بەفێرۆ بچێت
2021-11-28 [04:36 AM]

ZNA- ھەولێر 


وەزیری پێشمەرگە لە شارەزوور، بەشداری پرسەی هاوخەمی شەهیدانی دوێنێ شەوی پەلامارە تیرۆریستیەکەی داعش لە سنووری میحوەری کوڵەجۆ دەکات و راشیدەگەینێت: لەیەک دڵۆپ خوێنی ئەو شەهیدانە و شەهیدانی تری هێزی پێشمەرگە خۆشنابین و بەتوندی وەڵامی تیرۆریستان دەدەینەوە و بەردەوام دەبین، تا لەرەگ و ریشەوە هەڵیاندەتەکێنین.

ئەمڕۆ ۲٨ی ۱۱ی ۲۰۲۱ شۆڕش ئیسماعیل، وەزیری پێشمەرگەی حکومەتی هەرێمی کوردستان، بە یاوەری سەربەست لەزگین بریکاری وەزارەتی پێشمەرگە، فەریق جەمال محمد، سەرۆکی ئەرکان و لیوا روکن هۆشمەند حیدر رەشید، جێگری سەرۆکی ئەرکان بۆ ئیدارەو میرە و عەمید عوسمان محمد مستەفا بەڕێوەبەری گشتی راگەیاندن و هۆشیاری نیشتمانیی، بەشداری پرسەی هاوخەمی شەهیدانی پەلامارە تیرۆریستیەکەی دوێنێ شەوی سەر هێزەکانمان لە سنووری میحوەری کوڵەجۆ کرد.

لەمیانی ئەو بەشداریانەدا، وەزیری پێشمەرگە، لەنزیکەوە، پرسەو سەرەخۆشی تایبەتی مەسڕور بارزانی، سەرۆکی حکومەت و قوباد تاڵەبانی، جێگری سەرۆکی حکومەتی بەخانەوادەی سەربەرزی ئەو شەهیدە نەبەردانە گەیاند، هاوکات خەمباری و نیگەرانی قوڵی وەزارەتی پێشمەرگەی بە خانەوادەو کەس و کارو هاوسەنگەرانی ئەو پۆلە ئەفسەر و پێشمەرگە قارەمانانە راگەیاند، کە بەخوێنی ئاڵی خۆیان، بۆ پاراستنی سەنگەرەکانی بەرگری لە خاکی کوردستان گیانیان بەخشی. هیوای شیفای خێراشی بۆ بریندارانی ئەو رووداوە خواست.

وەزیری پێشمەرگە، وتی: لە پەروەردگاری مەزن داواکارین جێگای ئەو قارەمانانە بەهەشت بێت و سەبووری وئارامی بە ئێمەو هەمووان بداتەوە.

لەمیانی لێدوانێکیشی بۆ دەزگاکانی راگەیاندن، وەزیری پێشمەرگە رایگەیاند: هێزی پێشمەرگەی کوردستان، دووپاتیدەکاتەوە، کە رێگە نادەین یەک دڵۆپی خوێنی ئەو شەهیدانە و تەواوی شەهیدانی رێی خەباتی ئازادی و پاراستنی ئاشتی و ئارامی کوردستان و ناوچەکە بەفیڕۆ بڕوات و بەتوندترین شێوە وەڵامی ئەو پەلامارەی تیرۆریستانی داعش دەدەینەوەو، لەتێکشکاندن و هەڵتەکاندنیان لەرەگ و ریشەوە بەردەوام دەبین.

ئاماژەشی بەوەکرد، لەماوەی رابردوو چەندین جار هۆشداریمان لەبارەی دۆخی ناوچە کوردستانییەکانی دەرەوەی هەرێم و فەراغی ئەمنی لەوناوچانە دابوو، پێشتریش داوامان لە سوپای عیراق کردبوو هەنگاوەکان خێراتربکرێنەوە بۆ هەماهەنگی و ئەرک بینینی هێزی پێشمەرگە و سوپای عێراق بۆ پاراستنی سەقامگیری و ئاسایشی ئەو ناوچانە.

راگەیاندنی وەزارەتی پێشمەرگە





ئەم هەواڵە 343جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad