English | عربی | Kurdî دواهەواڵ
ڕاستەوخۆ  
 
سێ مووچەی ئەم توێژە خەرج دەکرێت 
2021-12-27 [01:15 AM]

ZNA-ھەولێر




بڕیارە دوای پشووی سەری ساڵ ڕێنمایی بۆ شێواز و میکانیزمی دابەشکردنی شایستەی سێ مانگی ماموستایانی وانەبێژ دەربچێت. نوێنەرێکی ونەبێژانیش لەبارەی چارەنووسی شایستەی چوار ھەزار وانەبێژ ڕوونکردنەوە دەدات.

کارۆخ عەبدوڵا، نوێنەری گشتیی مامۆستایانی وانەبێژ  رایگەیاند: " لە ھەوڵداین بۆ خەرجکردنی شایستەی مانگەکانی چوار و پێنج و شەش بۆ وانەبێژانی باخچەکان، بەڕێوەبەری گشتی پەروەردەی سلێمانی داوای لەوەزارەتی پەروەردە کردووە بۆیان خەرج  بکرێت".

زیاتر گوتیشی: "دکتۆر ئالان حەمەسەعید، وەزیری پەروەردە گوتی دوای پشووی سەری ساڵ ڕێنوێنیی دێت بۆ شێواز و میکانیزمی دابەشکردنی شایستەی مانگەکانی چوار و پێنج و شەش ھەوڵدەدەین مافی ھەموو وانەبێژان پارێزراو بێت".

ئاشکراشی کرد سێ بۆ  چوار ھەزار مامۆستای وانەبێژی باخچەکان ھەیە و ھەوڵ دەدرێ ئەوانیش لە مووچەی ئەو سێ مانگە مافیان پێبدرێ. گوتیشی: "لە ھەوڵداین بۆ ئەوەی  مامۆستایانی وانەبێژی باخچەکان ئەو مانگانەیان بۆیان خەرج بکرێت".

رۆژی ٢٩/١١/٢٠٢١، فەرمانگەی میدیا و زانیاریی ئەنجوومەنی وەزیران بڵاوی کردەوە، سەرۆکی ئەنجومەنی وەزیران بڕیاری دا، شایستە داراییەکانی مامۆستایانی وانەبێژ بۆ مانگەکانی چوار و پێنج و شەشی ساڵی ٢٠٢١، خەرج بکرێت، بۆ بڕوانامەی بەکالۆریۆس و سەرووی بەکالۆریۆس، بڕی ٥٥٠ ھەزار دینار، بڕوانامەی دبلۆم بڕی ٤٥٠ ھەزار دینار دەبێت.

لای خۆیەوە وەزارەتی دارایی لە ٢٣/١٢/٢٠٢١ لە نووسراوێکدا بۆ وەزارەتی پەروەردە رەزامەندی بۆ خەرجکردنی شایستەی ئەو سێ مانگەی وانەبێژان داوە.

نوێنەری گشتیی مامۆستایانی وانەبێژ گوتی: "شایستەی مانگەکانی چوار و پێنج و شەش پێکەوە  بە یەک جار دابەش دەکرێت".

زیاتر لە ١٨ ھەزار مامۆستای وانبێژ لە ھەرێمی کوردستان ھەیە و حکوومەت شایستە داراییەکانیان دابین دەکات.

سەرچاوە / باسنیوز 
شوان بەرزنجی 





ئەم هەواڵە 4585جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad