2022-03-09 [05:44 AM]

بەشی نوێی زنجیرە فیلمی سینەمایی Scream لە سینەماکانی جیهاندا نمایشکرا و داهاتی بۆ میدیاکان ئاشکرا کرا.

فیلمی ترسناک Scream کە لە 12 کانوونی دووەمی 2022 بڵاوکرایەوە، داهاتی لە سینەماکاندا 138 ملیۆن و 631 هەزار دۆلاری ئەمریکییە.

داهاتی ئەم بەرهەمە لە سینەماکانی ئەمریکا 80 ملیۆن و 231 هەزار دۆلارە و داهاتی لە سینەماکانی دیکەی جیهاندا 58 ملیۆن و 400 هەزار دۆلارە.

بودجەی بەرهەمهێنانی ئەم بەرهەمە سینەماییە 25 ملیۆن دۆلاری ئەمریکییە و توانی لە یەکەم هەفتەی نمایشکردنی تەنیا لە سینەماکانی ئەمریکا و کەنەدا، هێندەی و نیوی بودجەکەی بەدەستبێنێتەوە.

ئەم بەرهەمە سینەماییە ئەمریکییە، لە دەرهێنانی مات بیتینیلی ئۆلبین و تایلەر جیلیتە و بەشی پێنجەمی زنجیرەی فیلمی ترسناک Screamـە.

رووداوەکانی ئەم بەرهەمە سینەماییە تەواوکەری رووداوەکانی بەشی چوارەمن کە لە 2011 بڵاوکرایەوە.