English | عربی | Kurdî دواهەواڵ
ڕاستەوخۆ  
 
لە چوار رووداوی هاتووچۆدا 18کەس بوونە قوربانی
2022-03-24 [07:21 AM]

ZNA-هەولێر


بەڕێوەبەرایەتی گشتی هاتوچۆی عێراق رایگەیاند، ئەمڕۆ پێنجشەممە لە ئەنجامی چەند رووداوێکی هاتوچۆدا لە پارێزگاکانی بەغدا و کەرکوک و قادسیە و زیقار و سەڵاحەدین شەش کەس گیانیانلەدەستدا و ١١ کەسی دیکەش برینداربوون.


بەڕێوەبەرایەتی گشتی هاتوچۆی عێراق راگەیەنراوێکی بڵاوکردەوە و تیایدا هاتووە، لە ئەنجامی وەرگەڕانی ئۆتۆمبێلێک و کەوتنەخوارەوەی لەسەر پردێکەوە لەسەر رێگای سەرەکی کەرکوک –بەغدا لە قەزای داقوق سەرجەم سەرنیشەکانی کە سێ کەسبوون گیانیانلەدەستدا.

 

ئاماژەی بەوەشکردووە، بەهۆکاری وەرگەڕانی ئۆتۆمبێلێک لە جۆری هۆندای سەنتافی لە پارێزگای بەغدا لەسەر رێگای سەرەکی نەهزە – وەزارەتی دارایی شۆفێرەکەی برینداربوو.

هەر لە راگەیەنراوەکەدا هاتووە، ناحیەی ئاشوری سەربە پارێزگای سەڵاحەدین لە ئەنجامی پێکدادانی دوو ئۆتۆمبێل لە جۆری کرۆلا و تۆیۆتا کراون سێ کەس برینداربوون.

لەبەشێکی دیکەی راگەیەنراوەکەی هاتوچۆی عێراقدا هاتووە، لەسەر رێگای سەرەکی دیوانیە – قەزای سەنییە لە پارێزگای قادسییە ئۆتۆمبێلێک وەرگەڕا و لەئەنجامدا دەستبەجێ دوو کەس گیانلەدەستدەدەن و سێ کەسی دیکەش بریندار دەبن.

ئەوەشی خستووەتەڕوو، هەر ئەمڕۆ لە ئەنجامی پێکدادانی دوو ئۆتۆمبێل لە جۆری شۆفلێت سۆپەر و مارسیدسێک کەسێک گیانلەدەستدەدات و چوار کەسی دیکە بریندار دەبن.





ئەم هەواڵە 817جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad