English | عربی | Kurdî دواهەواڵ
ڕاستەوخۆ  
 
زیاتر لە ١٠ کەس بەھۆی تەقەکردنەوە لە ئەمریکا برینداربوون
2022-04-12 [06:06 AM]

ZNA- ھەولێر


له‌ ببروكلینی شاری نیویۆرك كه‌سێك به‌ هه‌ڕه‌مه‌كی ته‌قه‌ی كرد و 16 كه‌سی بریندار كردن و 8 له‌ برینداره‌كان راسته‌وخۆ فیشه‌ك به‌ریان كه‌وتووه‌ و برینیان سه‌خته‌.

رووداوه‌كه‌ له‌ وێستگه‌یه‌كی شه‌مه‌نده‌فه‌ر روویداوه‌ و به‌و هۆیه‌وه‌ جووڵه‌ی شه‌مه‌نده‌فه‌ره‌كان په‌كی كه‌وتووه‌.

4356

برینداره‌كان گواستراونه‌ته‌وه‌ بۆ نه‌خۆشخانه‌ و پۆلیس گه‌مارۆی شوێنی رووداوه‌كه‌ی داوه‌ و سه‌رقاڵی پایدۆزی تۆمه‌تباره‌كه‌ن.

تیمه‌ ئه‌منییه‌كان و شاره‌زایانی پووچه‌ڵكردنه‌وه‌ی بۆمب له‌ شوێنی رووداوه‌كه‌ بڵاو بوونه‌ته‌وه‌ بۆ پشكنینی ناوچه‌كه‌.

ئاژانسی وێستگه‌كانی نیویۆرك بڵاویكرده‌وه‌، چه‌ند بۆمبێكیان دۆزیوه‌ته‌وه‌، كه‌ به‌ مه‌به‌ستی ته‌قاندنه‌وه‌یان دانرابوون.

4365

لایه‌نه‌ په‌یوه‌ندیداره‌كان داوایان له‌ دانیشتوان و خه‌ڵكی پیاده‌ڕۆی ناوچه‌كه‌ كردووه‌ دوور بكه‌ونه‌وه‌.

پۆلیس به‌ دوای كه‌سێكدا ده‌گه‌ڕێت، كه‌ ده‌وترێت به‌ ماسكێكی تایبه‌ت به‌ خۆپاراستن له‌ غاز رووخساری داپۆشیوه‌ و جلێكی پرته‌قاڵی له‌به‌ر بووه‌.

وته‌بێژی پۆلیسی نیویۆرك به‌ ئاژانسی هه‌واڵده‌ری فه‌ره‌نسایی راگه‌یاندووه‌، كاتژمێر (08:27) به‌ كاتی نیویۆرك، پۆلیس له‌ رێی په‌یوه‌ندییه‌كی ته‌له‌فۆنییه‌وه‌ ئاگادار كراوه‌ته‌وه‌، كه‌ كه‌سێك له‌ وێستگه‌ی شه‌مه‌نده‌فه‌ری برۆكلین بریندار بووه‌.

4365

كۆشكی سپی ئه‌مه‌ریكا، رایگه‌یاند، سه‌رۆكی وڵاته‌كه‌ جۆ بایدن، چاودێری ره‌وشه‌كه‌ ده‌كات.

جین ساكی، وته‌بێژی كۆشكی سپی رایگه‌یاند، بایدن رێكاری به‌رگرتن له‌ بڵاوبوونه‌وه‌ی زیاتری چه‌ك ده‌گرێته‌ به‌ر.

كاثی هۆشول، سه‌رۆكی یه‌كه‌ی ئیداری ویلایه‌تی نیویۆرك رایگه‌یاند، به‌ وردی چاودێری ره‌وشه‌كه‌ ده‌كات و لێكۆڵینه‌وه‌یان له‌ رووداوه‌كه‌ ده‌ستپێكردووه‌.

43654

هه‌روه‌ها سه‌رۆكی شاره‌وانی نیویۆرك، ئه‌ریك ئادامز، رایگه‌یاند، له‌ سه‌ره‌تای ئه‌مساڵه‌وه‌ پلانێكی داڕشتووه‌ بۆ به‌رگرتن له‌ بڵاوبوونه‌وه‌ی زیاتری چه‌ك.

له‌ چاره‌كی یه‌كه‌می ئه‌مساڵدا، 260 حاڵه‌تی ته‌قه‌كردن له‌ نیویۆرك تۆمار كراون، له‌ كاتێكدا له‌ هه‌مان ماوه‌ی ساڵی رابردوودا 296 حاڵه‌ت تۆمار كرابوون.





ئەم هەواڵە 403جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad