English | عربی | Kurdî دواهەواڵ
ڕاستەوخۆ  
 
سووریا ... هێرشی مووشەکیی كرایه‌ سه‌ر بنکەیەکی سەربازیی ئەمریکا
2022-05-17 [06:50 AM]

ZNA - هه‌ولێر


 

هێرشی مووشەکیی کرایە سەر بنکەی سەربازیی شەدادی لە پارێزگای حەسەکە خۆرهەڵاتی سووریا کە هێزەکانی ئەمریکا تیایدا جێگیرکراون.

بەپێی زانیارییه‌كان، لەو ناوچانەی کە گرووپە تیرۆریستییە بیانییەکان لە دێرازۆر جێگیرکراون و ئێران پاڵشتییان دەکات، سێ هێرشی مووشەکیی کراوەتە سەر دەورووبەری ئەو بنکە سەربازییەی کە هێزەکانی ئەمریکا لە قەزای شەدادی سەربە پارێزگای حەسەکە جێگیرکراون.

لە هێرشەکاندا، بنکە سەربازییەکە هیچ زیانێکی بەرنەکەوتووە.

ناوچەکانی سەربە پارێزگای دێرازۆر خۆرهەڵاتی رووباری فورات خۆرهەڵاتی سووریا، لەژێر کۆنترۆڵی یەپەگە دان کە ئەمریکا پشتیوانی دەکات، سەنتەری پارێزگاکە و گوندەواری پارێزگاکە لەژێر دەسەڵاتی رژێمی ئەسەد و ئەو گرووپانەدان کە ئێران پاڵپشتییان دەکات.

ئەو ناوچانەی دێرازۆر کە ئەمریکا و گرووپە تیرۆریستییەکانی پشتیوانکاری ئێران تیایدا باڵادەستن لە ماوەی رابردوودا، ناو بە ناو دەکرێنە ئامانج.

گوتەبێژی وەزارەتی بەرگریی ئەمریکا، جۆن کیربی ئاماژەی بەوە کردبوو کە هێشتا دیار نییە کام لایەن هێرشەکەی ئەنجام داوە، بەڵام لەو هێرشانە دەچێت کە پێشتر ئەو رێکخراوانەی کە ئێران پاڵپشتییان دەکات ئەنجامیانداوە.

 

سه‌رچاوه‌: AA





ئەم هەواڵە 229جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad