2022-05-24 [03:53 AM]

بە بەشداری ٤٣ کارمەندی ژمێریاری وەزارەتی پێشمەرگە، ئەمڕۆ  ٢٤/٥/٢٠٢٢، خولێکی تایبەت بە پەرەپێدانی توانستی ئەفسەری ئیداری و ژمێریاری دەستی پێکرد، کە لەلایەن  تیمی هۆڵەندی هێزەکانی هاوپەیمانان و 
بەڕێوەبەرایەتی گشتی ژمێریاری سەربازی وەزارەتی پێشمەرگەوە رێکخراوە.

لەو خولەدا، کە سێ رۆژ دەخایەنێت، چەند بابەتێک لە بواری ژمێریاری و وردبینی لەلایەن ژمارەیەک پرۆفیسۆر و مامۆستایانی کۆلێژی کارگێڕی و ئابووری زانکۆی سەلاحەدین، پێشکەش دەکرێن.

ئامانج لەو خولە،  ئاشنا کردنی  کارمەندانی لیوا و فەوجەکانی پیادەی وەزارەتی پێشمەرگەیە، بە رێکار و شێوازەکانی پرۆسەی خەرجی، کە لە وەزارەتی پێشمەرگە پەیرەودەکرێت، هاوکات گونجاندنیانە لەگەڵ رێنماییەکانی وەزارەتی دارایی و ئابووری.

وەک سەرپەرشتیاران ئاماژەیان بۆکرد، کردنەوەی خولی لەوجۆرە، لە بەڕێوەبەرایەتی گشتی ژمێریاری سەربازی بەردەوامی دەبێت،  بەم هەنگاوەش بڕگەکانی یاسای چاکسازی بە شێوەیەکی کردەیی دەچێتە بواری جێبەجێکردنەوە.