2022-06-20 [03:22 AM]

ئەکتەری ئەمریکی جۆنی دێپ، لە فیستیڤاڵی هلسنکی بلوز لە فینلەند بەشداربوو و کۆنسێرتێکی لەگەڵ هونەرمەند جیف بیک سازکرد.

پەیوەندییەکی بەهێز لە نێوان جۆنی دێپ، و جیف بیک، ژەنیاری بەریتانی هەیە و بڕیارە ئەلبوومێکی هاوبەش بڵاوبکەنەوە.

راگەیاندنی ئەو هەواڵە لە کاتێکدایە کە دێپ بەم دواییە لە کۆنسێرتێکی بیک لە بەریتانیا ئامادەبوو و ئامێری گیتاری ژەنی.

هاوڕێیەتییەکی بەهێز لە نێوان ئەو دوو هونەرمەندەدا هەیە و چەند جارێکی پێکەوە بینراون و تا بەم دواییە بەوە گەیشت کاری هاوبەشیان هەبێت.

بەم دواییە دێپ توانی لە دادگا بەسەر ئەمبەر هێرد، ئەکتەری ئەمریکی و هاوژینی پێشووی سەرکەوێت و بەهۆی ناوزڕاندنەوە دەبێت هێرد بڕی 15 ملیۆن دۆلار بە دێپ ببەخشێت، لە بەرامبەریشدا دێپ دوو ملیۆن دۆلار بە  هێرد ببەخشێت.