English | عربی | Kurdî دواهەواڵ
ڕاستەوخۆ  
 
بەرپرسێکی پێشمەرگە: هێرشەکانی سەر هەرێمی کوردستان لەلایەن چەند گرووپێکی حەشدی شەعبییەوەیە
2022-06-27 [02:47 AM]

ZNA - هەولێر


بەرپرسێکی پێشمەرگە لە مووسڵ ئاشکرای کرد، ھەموو ئەو ھێرشانەی دەکرێنە سەر ھەرێمی کوردستان، لەلایەن چەند گرووپێکی حەشدی شەعبییەوە ئەنجام دەدرێن و دەشڵێت، کاریان تێکدان و ترساندنی خەڵکە.

سەربەست بابیری، بەرپرسی میحوەری ڕۆژھەڵاتی دیجلەی هێزەکانی پێشمەرگە، بە ماڵپەڕی فەرمیی پارتی دیموکراتی کوردستانی ڕاگەیاند: ''ژمارەیەکی بەرچاو گرووپ و تاقمی حەشدی شەعبی لە عێراق پەیدا بوون، بەڵام بەشێک لەو گرووپانە زیاتر بەرپرسیاریەتی ھەڵدەگرن و بەپێچەوانەوە ھەندێک گرووپی حەشدی شەعبی ھەیە، وەک میلیشیا و دەرچوو لە یاسا کار دەکەن، ئەمە وای کردووە ئەو گرووپانەی توندڕەون، لە دەوروبەری مووسڵ کێشە بنێنەوە، زیاتری ئەو گرووپانەش بنکە و بارەگایان لە ناوچەی گوب جەلیلی مووسڵ ھەیە.''

بەرپرسەکەی پێشمەرگە گوتیشی: ''میلیشیا لە یاسا دەرچووەکان ھەموو کارێکی نایاسایی دەکەن، خەڵک دەترسێنن، تاوان ئەنجام دەدەن و بۆ دروستکردنی فشار بە مووشەک ھێرش دەکەنە سەر ھەرێمی کوردستان و بوونەتە سەرچاوەی کێشە بۆ ناوچەکە.''

بابیری ئاماژەی بۆ ئەوەش کرد: "شوێنی ئاراستەکردنی مووشەکەکان دیارە، ئەگەر ئەو کەسانەی ھێرش دەکەنە سەر ھەرێمی کوردستان لە بارەگای حەشدەوە نزیک نەبن، ناتوانن ئەو کارە بکەن، ئێمەش لەگەڵ سوپای عێراق لە مووسڵ پەیوەندیمان ھەیە و ھەماھەنگی لە نێوانماندا هەیە، بەڵام بەداخەوە سوپای عێراق دەسەڵاتی بەسەر گرووپەکانی حەشدی شەعبیدا نییە، بەتایبەتی ئەوانەی لادەرن لە یاسا، گوێ لە کەس ناگرن و بە ئارەزووی خۆیان جووڵە دەکەن.''

قائید میرۆ

 

 

 





ئەم هەواڵە 283جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad