 |
|
|||
ZNA-هەولێر وتەبێژی بەڕێوەبەرایەتیی هاتووچۆی پارێزگای دهۆك رایگەیاند، کە بەڕێوەبەرایەتیی هاتوچۆی پارێزگای دهۆک وەکوو هەموو ساڵێک پلانێکی بەهێز و باشی داناوە بۆ جەژنی قوربان و وەک ئاشکرایە خەڵک لە ڕۆژانی عەرەفە و جەژندا سەردانی گۆڕستان دەکەن و قەرەباڵغی دروست دەبێت، پلانمان داناوە کە قەرەباڵغی نەبێت و بۆ ئەو مەبەستە هەزار و ٥٠٠ ئەفسەر و پۆلیس و کارمەندی ئێمە لە سنووری پارێزگای دهۆک، هەر حەفت ڕۆژەکەی پشووەکانی جەژن لە ئەرکی خۆیاندا دەبن.ئازاد ته‌ها، وتەبێژی بەڕێوەبەرایەتیی هاتووچۆی پارێزگای دهۆك، بە ئاژانسی ھەواڵی زاگرۆسی راگەیاند: بەڕێوەبەرایەتیی هاتوچۆی پارێزگای دهۆک وەکوو هەموو ساڵێک پلانێکی بەهێز و باشی داناوە بۆ جەژنی قوربان و وەک ئاشکرایە خەڵک لە ڕۆژانی عەرەفە و جەژندا سەردانی گۆڕستان دەکەن و قەرەباڵغی دروست دەبێت، پلانمان داناوە کە قەرەباڵغی نەبێت و بۆ ئەو مەبەستە هەزار و ٥٠٠ ئەفسەر و پۆلیس و کارمەندی ئێمە لە دهۆک و قەزا و ناحیەکان و ئیدارەی سەربەخۆی زاخۆ هەر حەوت ڕۆژەکەی پشووەکانی جەژن لە ئەرکی خۆیاندا دەبن.وتەبێژی بەڕێوەبەرایەتیی هاتووچۆی پارێزگای دهۆك گووتی: تیمی گەڕۆکمان ئامادە کردووە بۆ هەموو دەڤەرەکان و ئەفسەرەکان بە نۆرە لە ئەرکدا دەبن و بەشی لێکۆڵینەوە هەر حەوت ڕۆژەکەی پشووی جەژن لە ئەرکدا دەبن و ئەفسەرانی چوون بۆ شوێنی ڕووداومان ئامادەن بۆ ئەوەی بچنە شوێنی هەر ڕووداوێکی پێویست بێت و داوا دەکەین خەڵک پەیوەندیی بە هێڵی بێ بەرامبەری ٤٤٠ـوە بکەن.ئازاد ته‌ها گووتیشی: کە هەر ئۆتۆمبێلێک لە ڕۆژانی جەژن و پشوودا سەرپێچی بکات، دەستی بەسەردا دەگیرێت و تاکوو دوای جەژن نادرێتە بە خاوەنەکەی و ئێمە هەماهەنگیی باشمان لەگەڵ هێزە ئەمنییەکان و دامودەزگاکانی دیکە هەیە و هاوکات تیمەکانی فڕۆکەوانیمان بۆ هەر ڕووداوێکی لەناکاو و چاوەڕواننەکراو لە ئامادەباشیدا دەبن.وتەبێژی بەڕێوەبەرایەتیی هاتووچۆی پارێزگای دهۆك ئاماژەی بەوەشدا، کە لەو شەش مانگەدا لە سەرانسەری پارێزگای دهۆک ٣٨٣ ڕووداو ڕوویان داوە و ٤١ کەس گیانی خۆیان لەدەست داوە کە ١٤کەسیان ئافرەت و ٢٧ کەسیان پیاو بوون و ٤٧٩ کەسیش لەو ڕووداوانەدا بریندار بوون کە ١١٧ کەسیان ئافرەت و ٣٦١ کەسیان پیاو بوون.ھەروەھا ئازاد ته‌ها، وتەبێژی بەڕێوەبەرایەتیی هاتووچۆی پارێزگای دهۆك ئەوەشی بۆ ئاژانسی ھەواڵی زاگرۆس خستەروو، کە لەو شەش مانگە لە پارێزگای دهۆک پێنج هزار و ٣٩٧ ئۆتۆمبێل تۆمار کراون کە چوار هەزار و ٣٩٩ ئۆتۆمبێل لە جۆری تایبه‌ت و ٨٢٢ بارهه‌ڵگر و ٢٧ كرێ و ١٢٣ کشتوکاڵ و ٢٦ بیناسازى بوونە، لەو شەش مانگەدا شه‌ش هەزار و ٢٠٩ مۆڵەتی شۆفێری دراون کە بەشی هەرەزۆریان، واتا هەزار و ١٤٥ ئافره‌ت بوون و دوو هەزار و ٨٢٨ پیاویش مۆڵەتیان وەرگرتووە.رێباز یونسئەم هەواڵە 280جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad