2021-10-23 [08:04 AM]

وەزارەتی سامانە سرووشتییەکانی هەرێمی کوردستان لە نووسراوێکدا ئاماژە بەوە دەکات، هاوردەکردن و هەناردەکردنی هەموو جۆرەکانی سووتەمەنی دەبێت بە رەزامەندیی وەزیر بێت.
 
نووسراوەکەی وەزارەتی سامانە سرووشتییەکان ژمارە (820)ـە و لە 4-10-2021 دەرچووە، راگەیێندراوە کە لە رۆژی دەرچوونییەوە جێبەجێ دەکرێت؛ لە نووسراوەکەدا هەروەها هاتووە، "دوابەدوای فەرمانی وەزارییمان ژمارە (8102) لە رێکەوتی 4-10-2021، بڕیارماندا کە رێگەپێدانی هاوردەکردن و هەناردەکردنی تەواویی بەرهەمە نەوتییەکان، پاشماوە نەوتییەکان، ماددە کیمیاییەکان و هەر رێگەپێدانی دیکە کە تایبەتە بە گواستنەوەی کەلوپەل و پێداویستییەکانی کۆمپانیاکانی نەوت و گازی نێودەوڵەتی و خزمەتگوزراییەکان، تەنیا بە رەزامەندیی وەزیر دەبێت بەپێی رێنماییە کارپێکراوەکانی وەزارەتمان."