2022-05-24 [06:14 AM]

وەزارەتی شارەوانی و گەشتوگوزار لە فەرمانێكی وەزاریدا بە جیا گوژمەی بۆ جێبەجێكردنی ژمارەیەك پرۆژەی خزمەتگوزاری بۆ سنووری پێنج شارەوانیی دەوروبەری هەولێر خەرج كرد.
گوژمەكە بە گوێرەی پلانی ساڵی ٢٠٢٢ و لەسەر ڕێژەی ١٥٪ی داهاتی شارەوانییەكانە و بۆ جێبەجێكردن و تەواوكردنی پێنج پرۆژەی خزمەتگوزاری لە سنووری شارەوانییەكانی بەستۆڕە، ڕزگاری، شاوێس، تەقتەق ڕەزامەندی خەرجكردنی دراوە،  هەر یەك لەم پرۆژانەش پێویستییەكی گرنگیی دانیشتووانی ئەو سنوورانەن.
پرۆژەكانیش بریتین لە ئاوەڕۆی كۆنكرێتی لە بەستۆڕە، كۆنكرێتكردنی شەقام لە تەقتەق و ڕزگاری، دروستكردنی شەقام لە شاوێس، نۆژەنكردنەوەی شەقام لە كەورگۆسك. هاوكات ئێستا چەندین پرۆژەی دیكەی خزمەتگوزاری لە سنووری بەرێوەبەرایەتیی گشتیی شارەوانییەكانی هەولێر لە قۆناغی جێبەجێكردندان.
ڕاگەیاندنی وەزارەتی شارەوانی و گەشتوگوزار