English | عربی | Kurdî دواهەواڵ
ڕاستەوخۆ  
 
سامسۆنگ و سەکۆی TOD هاوبەشییەکی نوێی لە باری وەرزشی راگەیان
2022-10-04 [10:22 AM]

ZNA


کۆمپانیای سامسۆنگ بۆ ئامێرە ئەلیکترۆنیەکان کە پێشەنگی بەرهەمهێنانی تەلەفزیۆنەکانە، هاوبەشی خۆی لەگەڵ TOD ڕاگەیاند کە سەکۆیەکی پەخشی ڕاستەوخۆیە. ئامانجی هاوبەشییەکە ئەوەیە کە بینەران دەستیان بگات بە کۆمەڵێک ناوەڕۆکی تایبەتی کەیفخۆشی و وەرزشی بە ڕاستەوخۆی و لەسەر خواست، لەنێویاندا پاکێجی ناوەڕۆکی ناوازەی "بی ئێن" beIN لە ڕووی دابینکردنی ناوەڕۆکی نایابەوە. بەم شێوەیە سامسۆنگ دەبێتە یەکەم لە ناوچەکەدا کە ئەم بەرنامەیە دەهێنێتە ناو ئامێرە تەلەفزیۆنیەکانیەوە، تا ئامانجی بڕاندەکەی بپێکێت کە کاردەکات بۆ دەوڵەمەندکردنی ئەزموونی بەکارهێنەرانی تەلەفزیۆنەکان بە پێشکەشکردنی ناوەڕۆکی نایابی کەیفخۆشی.
بۆ دڵنیابوون لە ئەزموونێکی ناوازە و تایبەت بۆ هەوادارانی وەرزش، ئەم سەکۆیە بە تایبەتی بەرنامەکانی تۆڕی وەرزشی "بی ئێن سپۆرت" پەخش دەکات، و دەستڕاگەیشتن بە بەشداریکردن لە بەرامبەر بڕێک پارە بۆ سەیرکردنی ڕووداوی وەرزشی گرنگ. هەروەها بینەران لە سەرانسەری ڕۆژهەڵاتی ناوەڕاست و باکووری ئەفریقا سوودمەند دەبن لە زیاتر لە ٣٥ هەزار کاتژمێر ناوەڕۆکی کەیفخۆشیی تایبەت و ناوازە، لەوانە نوێترین فیلمەکانی هۆلیوود، و کۆمەڵێکی بەرفراوانی ناوەڕۆکی عەرەبی و تورکی و نێودەوڵەتی و بەرهەمە ڕەسەنەکان لەسەر سەکۆکە خۆی و ناوەڕۆکی تایبەت بە منداڵان.
سەکۆی TOD سێ پاکێجی تایبەتمەند پێشکەش بە بینەران دەکات: 'کەیفخۆشی'، 'وەرزش' و گشتگیر' بۆ ئەوەی لە نێویاندا هەڵبژێرن. ناوەڕۆکی وەرزشی لە ڕێگەی پەخشی (4K/UHD) و تەکنەلۆژیای Dolby Audio پێشکەش دەکرێت، کە لە دیمەنی زیندوو و ڕاستەوخۆ مسۆگەر دەکات لەگەڵ گوێگرتن لە دەنگی دەوڵەمەند و ڕوون و بەهێز. ئەم سەکۆیە بە توانای پەیوەستکردنی تا پێنج ئامێر بەهێزە، هەروەها پشتگیری مۆبایلە زیرەکەکان و شاشە گەورەکان دەکات، بۆ ئەوەی بەکارهێنەران بتوانن لە هەر کاتێک و لە هەر شوێنێکەوە بێت چێژ لە بابەتەکان وەربگرن.
جۆن پاوڵ مەکارلی، جێگری سەرۆکی بازاڕگەری و فرۆشتن لە سەکۆی TOD لە لێدوانێکدا سەبارەت بە هاوبەشییەکە ڕایگەیاند: وەرزش و کەیفخۆشی بزوێنەری بەهێزی کۆمەڵگاکان و کەرتەکانی دیکەن، لەگەڵ گرنگییان بە هەمەجۆریی و دۆستایەتی لە ڕۆژهەڵاتی ناوەڕاست و باکووری ئەفریقا ، و ڕۆڵیان لە یەکخستنی خەڵکیدا. ئێمە زۆر دڵخۆشین بەم هاوبەشییە لەگەڵ سامسۆنگ، چونکە سەکۆکەمان دەهێنێتە ناو شاشە گەورەکان و یارمەتیدەرمانە بۆ گەیشتن بە ماڵی بەکارهێنەرانمان لە سەرانسەری ناوچەکەدا.”
ئاماژەی بەوەشکرد، "لەگەڵ کۆمەڵەی ناوازەی کەناڵەکانی "بی ئێن"، ئێستا بەکارهێنەران دەتوانن سەیری ناوەڕۆکی تایبەتی سەکۆکەمان بکەن لەسەر تەلەفزیۆنەکانی سامسۆنگ، تا باشترینەکانی جیهانی وەرزش و کەیفخۆشییان پێشکەش بکات لەسەر یەک سەکۆوە. سەکۆکەمان بەپێی پێویستی بەکارهێنەرانمان دروستکراوە و لەسەر بنەمای نوێترین تەکنەلۆژیا دامەزراوە بۆ پێشکەشکردنی ئەزموونێکی تەواو و کەسیی کە بینینی ڕاستەوخۆ و و گەڕان و دەستڕاگەیشتن بە بابەتەکان بەهێز دەکات. جگە لە پەخشکردنی یارییەکانی مۆندیال، بەمە هەوادارانی وەرزش و کەیفخۆشی لە سەرانسەری ناوچەکەدا دڵخۆش دەبن بە کۆمەڵەی نایابی بەرنامەی تورکی و عەرەبی و هۆلیوود، هەروەها کۆمەڵێک ناوەڕۆکی وەرزشی تایبەتمان لە تۆڕی وەرزشی "بی ئێن سپۆرت".
نیکۆلا ئاکسێنتەلەفزیۆنچ، بەڕێوەبەری ناوچەیی گروپی نمایشی بینراو لە کۆمپانیای سامسۆنگ بۆ ئامێرە ئەلیکترۆنیەکان ڕایگەیاند: "ئێمە خۆشحاڵین بە هاوبەشیکردن لەگەڵ یەکێک لە سەکۆ پێشەنگەکانی پەخش بۆ دابینکردنی بەرزبوونەوەی بێ وێنەی خواست لەسەر پێشانگایەکی فراوانی ناوەڕۆکی بەرز بۆ بەکارهێنەرانی پاشخانی کولتووری جۆراوجۆر لە سەرانسەری ناوچەکەدا. وە سامسۆنگ وەک بەرهەمهێنەری پێشەنگی تەلەفزیۆنەکان، گرنگی بە دابینکردنی باشترین ئەزموونی بینراو دەدات بۆ سەیرکردنی ناوەڕۆکی ناوازە، و بەرزکردنەوەی تواناکانی پەیوەندی ڤیدیۆیی بە شێوەیەکی نموونەیی. و هاوبەشییەکانمان ئەزموونی کەیفخۆشی بەکارهێنەران بەرز دەکاتەوە بۆ ئاسۆیەکی نوێ، هەروەها وەبەرهێنان و داهێنانە ناوازەکانی سامسۆنگ لە سەرانسەری شاشەی نمایشدا دەباتە پێشەوە.”
بەکارهێنەرانی تەلەفزیۆنی زیرەکی سامسۆنگ سوودمەند دەبن لە سەیرکردنی زیاتر لە ٣٥ هەزار کاتژمێر ناوەڕۆکی تایبەت و ناوازە کە لەلایەن سەکۆی TOD پێشکەش دەکرێت جگە لە ئۆفەرە تایبەتەکانی دیکە.
یاداشتی بێبەریکردن: ئۆفەرەکانی سامسۆنگ و TOD بەپێی ناوچە و ئامێرە دیاریکراوەکان جیاوازە.





ئەم هەواڵە 4039جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad