2022-11-29 [05:03 AM]

فیلمی سینەمایی "Barbarian" لە سینەماکانی جیهاندا نمایش دەکرێت و داهاتی لە سینەماکاندا بۆ میدیاکان ئاشکرا کرا.

ئەم بەرهەمە سینەماییە کە لە 9 ئەیلوولەوە لە سینەماکانی نمایشدەکرێت، داهاتی 45 ملیۆن و 202 هەزار دۆلاری ئەمریکییە، داهاتی ئەم بەرهەمە لە سینەماکانی ئەمریکای باکوور 40 ملیۆن و 842 هەزار دۆلارە و داهاتی لە سینەماکانی دیکەی جیهاندا چوار ملیۆن و 359 هەزار دۆلارە.

فیلمەکە لە دەرهێنانی زاک کریگەرە و هەریەک لە جۆرجینا کامبل بیل سکارسجارد و جاستن لۆنگ رۆڵی سەرەکی تێدا دەگێڕن.

"Barbarian" باس لە ئافرەتێک دەکات کە لە دوای ئەوەی دەچێتە شارێک بە مەبەستی چاوپێکەوتنێکی کار، بەهۆی ئەوەی بە شەو دەگات و ئەو شوێنەی بە کرێی گرتووە، لەلایەن کەسێکی دیکە بە کرێ گیراوەتەوە، بەهۆیەوە رووبەڕووی زۆر مەترسی دەبێتەوە.