2022-12-19 [03:22 AM]

پۆستەری 73یەمین فێستیڤاڵی نێودەوڵەتیی فیلمی بەرلین بڵاوکرایەوە کە چالاکییەکانی لە 16-26 شوباتی 2023 بەڕێوەدەچێت.

پۆستەری فێستیڤاڵەکە لەلایەن دیزاینەری ئەڵمانی لۆدیا شارمکی دیزاینکراوە و بڵاوکرایەوە.

رێکخەرانی فێستیڤاڵەکە بڕیاریانداوە ئەمساڵ خەڵاتی شانازی ورچی زیڕینی بە ستیڤن سپیلبێرگ، دەرهێنەری ئەمریکی ببەخشن، وەک رێز لە تەواوی کار و بەرهەمە سینەماییەکانی.

ئەو دەرهێنەرە سینەماییە براوەی چەند خەڵاتێکی ئۆسکارە و دەرهێنەری زیاتر لە سەد فیلمی سینەماییە و بە یەکێک لە دیارترین دەرهێنەرە سینەماییەکانی هۆلیوود و جیهان دەناسرێت.