English | عربی | Kurdî دواهەواڵ
ڕاستەوخۆ  
 
هاتوچۆی هه‌ولێر چه‌ند رێنماییه‌كی بۆ شوفێران بڵاوكرده‌وه‌
2023-03-25 [08:49 AM]

ZNA - هه‌ولێر


به‌ڕێوه‌به‌رایه‌تی هاتوچۆی هه‌ولێر ئه‌مڕۆ هه‌ینی چه‌ند ڕێنماییه‌كی بۆ شوفێران له‌ مانگی ڕه‌مه‌زانی پیرۆز بڵاو كرده‌وه‌ و له‌ یه‌كێك له‌ خاڵه‌كانی ڕێنماییه‌كان ده‌ڵێت پێویسته‌ شوفێران به‌ر له‌ كاتژمێر 4ی ئێواره‌ پاقلاوه‌ و شه‌ربه‌ت و تورشیاتیان كڕیبێت، چونكه‌ له‌و كاته‌ به‌دواوه‌ بێتاقه‌تی ده‌گاته‌ لووتكه‌.

هاتوچۆی هه‌ولێر سه‌ره‌تا پیرۆزبایی مانگی پیرۆزی رەمەزان له‌ شوفێران ده‌كات، دواتریش داوا ده‌كات لەو مانگە پیرۆزەدا بۆ سەلامەتی پابەندی ئەو ڕێنماییانە بن .

1/ پێویستە لێخوڕین بەو خیراییە بکرێت کە بەپێی هێماکانی هاتووچۆ دیاری کراوە، نەک زێدەڕۆیی بکرێت، چونکە ڕێگا هەمان ڕێگای جارانە، وە ئۆتۆمبێلەکەشتان هەمان ئۆتۆمبێلە، ئەوەی لە مانگی پیرۆزی رەمەزانتان گۆڕانکاری بەسەردا هاتووە، جەستەی ئێوەیە کە بەهۆی ڕۆژووبوون شەکر و فشاری خوێنتان دادەبەزێت، وە دەبێتە هۆی بێتاقەتی، بە مەش توانای شوفێریتان کەمتر دەبێتەوە، جا ئەگەر تیژڕۆ بن ئەوەندەی تریش تواناکانتان کەم دەبێتەوە.

2/ پێویستە بەر لەسواربوونی ئۆتۆمبێل تەماشایەکی خۆتان بکەن و گوێ لە زمانی جەستەتان بگرن، ئەگەر هەستتان کرد کە بێتاقەتن، یان زیاد لە ڕادەی ئاسایی توڕەن یان خەوتان دێت، شوفێری نەکەن.

3/ پێویستە پێداویستییەکان ڕۆژوو شکاندن (پەقلاوە، تورشیات، شەربەت، خورما و هەرشتێکی تر کەپێویست بێت) بەر لە کاتژمێر4ی ئێوارە کڕابێت، بۆ ئەوەی لەو کاتە بەدواوە کە بێتاقەتی لە لووتکەیە، تووشی ئەوە نەبن بچنە بازاڕ بۆ شت کڕین، چونکە لە گەڕانەوە تووشی دۆخێکی نالەبار دەبن و ناچار دەبن تیژڕۆیی بکەن.

4/ پێویستە چاوتان بە بەردەوام لەسەر ڕێگا و دەوروبەر بێت، وه‌ چاوتان بەردەوام بێت لە گەڕان لە پیادەکان کە ئەوانیش بەهۆی بەڕۆژووبوون تەرکیزیان لەدەست دەدەن، لەوانەیە بێ ئاگایی بپەڕنەوە.

5/ بۆشوفێرانی بارهەلگر و تاکسییەکان هێلی دەرەوە، پێویستە هەر لە پاش نوێژی تەڕاویح بخەون، ئەگەر بەنیاز بن لە پاش نوێژی بەیانی دەربچن بۆ سەر کارەکانیان، وە نابێت تاکو پارشێو بەخەبەر بن و لە دوای نوێژی بەیانی بچنە سەرکار، چونکە لەو حالەتە خەوەکانیان لە پشتی ستێرنی ئۆتۆمبێلەکان تەواو دەکەن، بەمەش تووشی ڕوداو و کارەسات دەبنەوە.

6/ پێویستە زۆر بە ئاگاییەوە لە یەکتربڕەکان نزیک ببنەوە تەنانەت ئەگەر ڕێگایەکان چۆلیش بن، چونکە مەترسیدارترین شوێن لە شەقامەکان یەکتر بڕەکانە.





ئەم هەواڵە 373جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad