 |
|
|||
ZNA - هەولێر وەزارەتی ناوخۆی عێراق رایگەیاند، بازرگانان و پێشانگاکانی ئۆتۆمبێل پابەند دەکرێن بە مامەڵەکردن بە دیناری عێراقی. عەمید حسێن ئەلتەمیمی، بەڕێوەبەری ئۆپەراسیۆنەکان لە بەڕێوەبەرایەتی تاوانی رێکخراو لە وەزارەتی ناوخۆی عێراق، بە ئاژانسی هەواڵی عێراقیەی راگەیاند: بەڕێوەبەرایەتیەکە هەڵمەتێکی بەرفراوانی لە بەغدا و پارێزگاکان دەستپێکردووە بۆ پاڵپشتیکردنی دیناری عێراقی و ویستێکی گەورە لە لایەن حکومەتی ناوەندەوە هەیە بۆ جێبەجێکردنی دروشمی "دینار ناسنامەی ئێمەیە". ئەلتەمیمی ئاماژەی بەوەشکرد، هەڵمەتەکە بەدرێژایی هەفتەکە بەردەوامە، رێکاری یاسایی بەرامبەر ئەو سەرپێچیکارانە دەگیرێتەبەر کە لەبری دیناری عێراقی بە دۆلار مامەڵە دەکەن، هەروەها بەڵێننامەی نووسراویش دراوە کە بازرگانان و خاوەن ناوەندە بازرگانییەکان و پێشانگاکانی ئۆتۆمبێل پابەند دەکەن بە مامەڵەکردن بە دینار لەبری دۆلار". لە درێژەی قسەکانیدا گوتیشی: "لە ئەگەری پێشێلکردنی ئەم بەڵێنامە نووسراوانە، بابەتەکە دەخرێتە بەردەم دەسەڵاتی دادوەری بە مەبەستی گرتنەبەری رێوشوێنی یاسایی بەرامبەریان و ئەم بابەتە لە رێگەی پێکهێنانی مەفرەزە هەواڵگرییە مەدەنییەکان لەلایەن یاریدەدەری ئەمیندارییەوە لێکۆڵینەوەی لەسەر دەکرێت. ئەم هەواڵە 640جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad