English | عربی | Kurdî دواهەواڵ
ڕاستەوخۆ  
 
پارێزگای سه‌لاحه‌دین... تۆمه‌تبارێكی كۆمه‌ڵكوژییه‌كه‌ی سپایكه‌ر ده‌ستگیركرا
2023-05-23 [08:53 AM]

ZNA - هه‌ولێر


 

له‌ به‌یاننامه‌یه‌كدا، به‌ڕێوه‌به‌رایه‌تی گشتیی هه‌واڵگری و ئه‌منیی به‌غدا رایگه‌یاند، یه‌كێك له‌ به‌شداربووانی تاوانه‌كه‌ی سپایكه‌ر له‌ پارێزگای سه‌ڵاحه‌ددین ده‌ستگیركرا.

به‌گوێره‌ی به‌یاننامه‌كه‌، له‌ ئۆپه‌راسیۆنێكدا هێزه‌كانی بەڕێوەبەرایەتیی هەواڵگری و ئه‌منیی بەغدای سەر بە بەڕێوەبەرایەتی گشتیی هەواڵگری و ئاسایش لە وەزارەتی بەرگری، توانیان یەکێك لەو تۆمەتبارانە ده‌ستگیربكه‌ن، کە له‌ تاوانی کۆمەڵکوژییه‌كه‌ی سپایكه‌ر به‌شدار بووه‌ و بۆ به‌گوێره‌ی مادده‌ی 4ی تیرۆر له‌ یاسای سزادانی عێراقی فه‌رمانی ده‌ستگیركردنی هه‌بووه‌.

ئاماژه‌ی به‌وه‌شدا، له‌سه‌ر بنه‌مای زانیاری وردی هه‌واڵگری و به‌ هه‌ماهه‌نگی له‌گه‌ڵ به‌ڕێوه‌به‌رایه‌تی هه‌واڵگری سه‌ڵاحه‌دین، تۆمه‌تباره‌كه‌ له‌ ناوچه‌كه‌ی ئه‌و پارێزگایه‌ ده‌ستگیركراوه‌.

له‌ حوزه‌یرانی ساڵی 2014، چه‌كدارانی رێكخراوی داعش نزیكه‌ی 1700 ئه‌ندام و راهێنه‌ری هێزه‌ ئه‌منییه‌كانیان دوای ده‌رچوونیان له‌ بنكه‌ی سه‌ربازی ئاسمانی سپایكه‌ر له‌سێداره‌دان، ئه‌و كات نوری مالكی سه‌رۆكوه‌زیرانی پێشووتری عێراق، فه‌رمانده‌ی گشتی هێزه‌ چه‌كداره‌كانی عێراق بوو.

تائێستاش ده‌سه‌ڵاتدارانی عێراق توانیویانه‌ روفاتی 1153 كه‌س له‌و قوربانیانه‌ بدۆزنه‌وه‌ و، له‌و ژماره‌یه‌ش 884 روفات دوای پشكنینی ناوه‌كی "DNA" راده‌ستی كه‌سوكاره‌كانیان كراونه‌ته‌وه‌.





ئەم هەواڵە 433جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad