 |
|
|||
ZNA_ هەولێر نادیە موراد، چالاكوانی مافی مرۆڤ و هەڵگری خەڵاتی نۆبێل، سوپاسێكی تایبەت بۆ سەرۆكی هەرێمی كوردستان نێچیرڤان بارزانی دەردەبڕێت بۆ ڕزگاركردنی شەش ژن و كچی ئێزیدی كە سەرلەبەیانیی ڕۆژی شەممە گەڕێندرانەوە باوەشی خانەوادەكانیان لە كوردستان. نادیە موراد كە لە دۆزینەوە، بەهاناوەچوون و یارمەتیدانی ئەم شەش هاووڵاتییە ئێزیدییە ڕۆڵێكی سەرەكی هەبووە، لە بەیاننامەكەیدا دەڵێت: ”ڕزگاركردنەكە بەبێ سەرۆك هەرێمی كوردستان نێچیرڤان بارزانی نەدەكرا. لەڕێگەی دامەزراندنی ئۆفیسێكی تایبەت بە ڕزگاركردنی ژن و كچی ئێزیدی، سەرۆكی هەرێمی كوردستان یارمەتییەكی زۆری ئەو ئێزیدییانەی داوە تا لە دەستی داعش ڕزگاریان بێت.” ئەم شەش هاووڵاتییە ئێزیدییە كە سەرجەمیان ئافرەتن، لە ٢٠١٤ دا لەلایەن داعشەوە لە عێراقەوە بەرەو سووریا ڕفێندران. نادیە موراد هەروەها دەڵێت: هەر شەش هاووڵاتییە ڕزگاربووەكە لە ڕێگەی ئاسمانەوە گەڕێندرانەوە هەولێر و لەوێ هەموو هاوكارییەكی پێویستیان بۆ ئەنجام درا. شایانی باسە هەرلە سەرەتای كارەساتی كۆمەڵكوژی و ڕفاندنی هاووڵاتییانی ئێزیدیدا لە ٢٠١٤، سەرۆكی هەرێمی كوردستان ”نووسینگەی ڕزگاركردنی ڕفێندراوانی ئێزدی” دامەزراند و لەڕێگەی ئەم ئۆفیسەوە تا ئێستا زیاتر لە ٢٥٠٠ ڕفێندراوی ئێزیدی ڕزگار كراون و گەڕێندراونەتەوە باوەشی كەسوكارەكانیان. ئەم هەواڵە 241جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad