ZNA - هەولێر
گوتەبێژی وەزارەتی دەرەوەی عێراق رایگەیاند، وەزیری دەرەوەی پاکستان بەسەردانێکی فەرمی گەیشتە بەغدای پایتەختی عێراق.
ئەمڕۆ دووشەممە، 5-6-2023، ئەحمەد سەحاف، گوتەبێژی وەزارەتی دەرەوەی عێراق بە ئاژانسی هەواڵی عێراقی راگەیاند، بیلاول بوتو زرداری، وەزیری دەرەوەی پاکستان، بەسەردانێکی فەرمی گەیشتە بەغدا، لەگەڵ کۆمەڵێک بەرپرسی بەغدا کۆبووەوە.
گوتیشی، کۆنگرەیەکی رۆژنامەوانی لەنێوان، فواد حسێن، وەزیری دەرەوەی عێراق و بیلاول بوتو زرداری، وەزیری دەرەوەی پاکستان ئانجام دەدرێت، یاداشتی لێک تێگەیشتن واژۆ دەکەن.
سەحاف دەشڵێت: "یاداشتنامەی یەکەم لە بواری لێخۆشبوونی هەڵگری پاسپۆرتی دیپلۆماسی واژۆ دەکرێت، یاداشتی دووەمیش لە بواری هاوکاریی کولتووری دەبێت".
ئەم هەواڵە 565جار خوێندراوەتەوە |