 |
|
|||
ZNA-هەولێر
ئه‌مرۆ دووشه‌ممه 2023.6.5، ئومێد خۆشناو، پارێزگاری هه‌ولێر، له دیوانی پارێزگا، پێشوازیکرد لە خانەوادەى شه‌هید عەقید هاوكار جاف. لە دیدارەکەدا، خانەوادەى شەهید، سوپاسى حکومەتى هەرێمى کوردستان و هەوڵ و كۆششی ده‌زگا ئەمنیەکانیان کرد لە لێکۆلینەوە و ده‌ستگیركردنی ژماره‌یه‌ك لە تاوانباران کە ده‌ستیان له شەهیدکردنى عەقید هاوكار جاف هه‌بوو، هەروەها دووپاتیانکردەوە کە کەیسەکەمان کەسێکى یاساییە و لەرێگەى دادگا یەکلایی دەکرێتەوە. له لایەن خۆیەوە، پارێزگاری هه‌ولێر، وێرای دووباره سەرخۆشى و دڵنه‌وایی کەس و کارەکەى، جه‌ختی لەوە كرده‌وه دام و ده‌زگا ئه‌منیەکانى هه‌رێمی كوردستان به گشتیی و هه‌ولێرى پایتەخت به‌تایبه‌تی ئه‌رك و پیشه‌ی سه‌ره‌كیان پاراستنی سه‌رو ماڵی هاوڵاتیانه. لە کۆتایدا خانەوادەى شه‌هید دووبارە سوپاسی حكومه‌تى هەرێم و پارێزگاى هەولێر و تەواوى دام و ده‌زگا ئەمنیەکانیان كرد، لە بەدواداچوون و دەستگیرکردنى بەشێک لە تۆمەتباران لە زووترین کات و هەروەها سوپاسى دادگای كه‌تنی هه‌ولێریان کرد بۆ یەکلایی کردنەوە كه‌یسی شه‌هید كردنی عه‌قید هاوكار جاف. ئەم هەواڵە 244جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad