 |
|
|||
ZNA - هەولێر ئەمەریکا پێشوازی لە سەردانەکەی شێخ تەمیم بن حەمەد میری قەتەر بۆ بەغدا کرد، کە لە ئەنجامدا دەوحە نیازی خۆی راگەیاند بۆ وەبەرهێنان لە ژمارەیەک کەرتی جیاواز لە عێراقدا بە گوژمەی پێنج ملیار دۆلار. ئادەم هۆدج، گوتەبێژی ئەنجوومەنی ئاسایشی نەتەوەیی ئەمەریکا، لە راگەیەندراوێکدا رایگەیاند: پێشوازی لە سەردانەکەی شێخ تەمیم بن حەمەد ئال سانی ئەمیری قەتەر بۆ بەغدا دەکەین، ئەمەریکاش بە تەواوی پشتیوانی لە سەروەری عێراق و سەربەخۆیی و زیادبوونی یەکگرتنی لەگەڵ ئەنجومەنی هاوکاری کەنداو و ناوچەی عەرەبی دەکات. هۆدج گوتیشی: "لە ماوەی ساڵی رابردوودا، عێراق لە رێگەی هەنگاوەکانی بەستنەوەی تۆڕی وزەی خۆی بە تۆڕەکانی وڵاتانی ئەنجوومەنی هاوکاری کەنداو و ئوردن بەرەو خۆبژێوی وزە رۆیشتووە". ، گوتەبێژی ئەنجوومەنی ئاسایشی نەتەوەیی ئەمەریکا ئاماژەی بەوەشکرد، "جگە لەوەش ئەو پڕۆژە مێژووییەی کە سەرەتای ئەمساڵ لەگەڵ کۆمپانیای "تۆتال ئینێرجی" و کۆمپانیا ئەمەریکی و قەتەرییەکان واژۆکرا، دەرهێنانی غازی سروشتی لەخۆدەگرێت، هەروەها پڕۆژەیەکە خزمەت بە پێداویستییەکانی گەلی عێراق دەکات لە هەمان کاتدا دەردانی گازی ژەهراوی کەمدەکاتەوە". هەر لە راگەیەندراوەکەدا پێشوازی کرا لە "بەشداری کردنی نێچیرڤان بارزانی، سەرۆکی هەرێمی کوردستان، لەم گفتوگۆیانە، بۆ بەرزکردنەوەی هەماهەنگی نێوان بەغدا و هەرێمی کوردستان". لە سەردانەکەی شێخ تەمیم کۆمەڵێک رێککەوتن لەگەڵ کەرتی تایبەتی قەتەر لە بوارەکانی وزە و کارەبا و بەڕێوەبردنی هۆتێل و نەخۆشخانەکان ئەنجامدرا. هەروەها لە گفتوگۆکاندا باس لە دەستپێشخەرییەکانی پتەوکردنی پەیوەندییە ئابوورییەکان لە ناوچەکەدا کرا، لەوانە پاڵپشتیکردنی پەرەپێدانی پەیوەندیی بەیەکەوەی تۆڕی کارەبا لە کەنداو و بەستنەوەی بە تۆڕی باشووری عێراق.
ئەم هەواڵە 583جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad