 |
|
|||
ZNA - هه‌ولێر
گوتەبێژی وەزارەتی دەرەوەی عێراق، ئەحمەد سەحاف رایگەیاند کە ١٦٥ ھاووڵاتی دیکەی عێراق لە سوودان گواستراونەتەوە. ئەحمەد سەحاف لە راگەیەندراوێکدا ئاماژەی بەوەداوە کە بەھۆی بەردەوامبوونی خراپی رەوشی سوودانەوە، ١٦٥ ھاووڵاتی دیکەی عێراق لەو وڵاتە گواستراونەتەوە. راشیگەیاندووە کە تا ئێستا، ٥٩٥ ھاووڵاتی عێراقی لە سوودان گواستراونەتەوە. دوای خراپبوونی رەوشی سوودان بەھۆی شەڕ و پێکدادانەکانی نێوان ھێزکانی پشتیوانی خێرا و سوپای سوودان، وەزارەتی دەرەوەی عێراق بەھەماھەنگی لەگەڵ ژمارەیەک وڵات، دەستی کرد بە گواستنەوەی ھاووڵاتییانی خۆی لەو وڵاتە. لە خەرتووم پایتەختی سوودان و چەند شارێکی دیکەی وڵاتەکە، لە بەیانی رۆژی ١٥ی نیسانەوە پێکدادان لە نێوان سوپای سوودان و ھێزەکانی پشتیوانیی خێرا سەریھەڵدا. ئەو پێکدادانانەیش لە دوای ئەوە ھات کە ماوەی چەند مانگێکە مشتومڕی گەرم لە بارەی ئەو چاکسازییە سەربازییە بەردەوامە کە تیایدا داوا دەکرێت "ھێزەکانی پشتیوانی خێرا بەتەواوی ببنە بەشێک لە سوپا". لای خۆیەوە رێکخراوی تەندروستی جیھانی ئەوەی ئاشکرا کردووە کە لە میانی پێکدادانەکانی سووداندا، ٨٥٠ کەس گیانیان لەدەستداوە و پێنج ھەزار و ٥٠٠ کەسی دیکەیش بریندار بوون. ئەم هەواڵە 421جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad