English | عربی | Kurdî دواهەواڵ
ڕاستەوخۆ  
 
عێراق: لەسەر ڕفاندنی ئافره‌تێكی ئیسرائیلی و ڕووسیایی لە بەغدا لێکۆڵینەوەیەکی فەرمی ده‌كه‌ین
2023-07-07 [11:26 AM]

ZNA - هه‌ولێر


 

وتەبێژی حکومەتی عێراق دەڵێت، عێراق لێکۆڵینەوە لەسەر گومانی ڕفاندنی کەسێکی ئەکادیمی ئیسرائیلی- ڕووسیایی دەکات دوای ئەوەی لە بەغدا بێسەروشوێن بووە.

ئەلیزابێت سەرکۆڤ، خوێندکاری دکتۆرا لە زانکۆی پرینستن لە ئەمەریکاوە چووە بۆ عێراق زیاتر لە سێ مانگە لە عێراق بێسەروشوێنە.

نووسینگەی بنیامین نەتانیاهۆ، سەرۆک وەزیرانی ئیسرائیل ڕۆژی چوارشەممە، کەتائیب حزبوڵای عێراقی تۆمەتبار کرد بە ڕفاندنی ئەو ژنە، بەڵام ئەو لایەنە چەکدارەی سەر بە ئێران ئاماژەی بەوە کردووە هیچ دەستێکی لەو کارەدا نییە.

کەتائیب حزبوڵا بەشێکە لە هێزی حەشدی شەعبی، کە پێشتر نیمچە سەربازیی بوو و لە ساڵانی ڕابردوودا تێکەڵ بە هێزە ئاسایشییەکانی عێراق کران.

لە وەڵامی پرسیارێکدا لەسەر تەلەڤیزیۆن سەبارەت بە دیارنەمانی ئەو خانمە ئێوارەی پێنجشەممە، باسم ئەلعەوادی وتەبێژی حکومەت وتی " لە ڕاستیدا حکومەتی عێراق لێکۆڵینەوەیەکی فەرمی ئەنجام دەدات".

ئەو بە کەناڵی ئەلئەحد کە لە حەشدی شەعبیەوە نزیکە ڕاگەیاند "بە لەبەرچاوگرتنی ئاستی دۆسیەکە، ئاڵۆزییەکانی، هیچ لێدوانێکی فەرمی سەبارەت بەم بابەتە نابێت تاوەکو ئەوکاتەی حکومەتی عێراق لێکۆڵینەوە فەرمییەکانی تەواو دەکات و دەگاتە ئەنجام".

دیپلۆماتکارێکی ڕۆژئاوایی لە عێراق کە نەیویست ناوی ئاشکرا بکرێت ڕایگەیاند، سەرکۆڤ "لە سەرەتای مانگی دوازدەی ساڵی 2022 گەیشتووەتە بەغدا."

ئەو خانمە لە 1 مانگی سێوە هیچ چالاکییەکی لە تۆڕی کۆمەڵایەتی تویتەر نەبووە کە نزیکەی 80 هەزار شوێنکەوتووی هەیە و خۆی بە "دڵسۆز بۆ مافەکانی مرۆڤ" وەسف دەکات.

سەرچاوەیەکی هەواڵگری عێراقی ڕایگەیاندووە، سەرکۆڤ لە بەغدا "لە سەرەتای مانگی ڕەمەزان" ڕفێندراوە.

ڕۆژی چوارشەممە نووسینگەی نەتانیاهۆ ڕایگەیاند، سەرکۆڤ "هێشتا لە ژیاندایە و عێراق بە بەرپرسیار دەزانین لەمەڕ سەلامەتی ئەو".

ئاماژەی بەوەشکردووە، ئەو کچە "بە پاسپۆرتە ڕووسیاییەکەی بە خواسستی خۆی بۆ کارکردن لەسەر دکتۆرا و توێژینەوە ئەکادیمییەکانی بەناوی زانکۆی پرینستۆن لە ئەمەریکا" گەشتێکی بۆ عێراق کردووە.

لە ماڵپەڕی تایبەتی خۆیدا، سەرکۆڤ نوسیویەتی، دەیەوێت لە بۆچوون و ئەزموونی خەڵکی ڕۆژهەڵاتی ناوەڕاست تێبگات و بیگەیەنێت و تیشک بخاتە سەر پێشێلکارییەکانی ئەکتەرە بەهێزەکان لە ناوچەکەدا.

ئێوارەی ڕۆژی پێنجشەممە، کەتائیب حزبوڵا لە بەیاننامەیەکدا ڕایگەیاند هەموو هەوڵێک دەدات بۆ ئاشکراکردنی چارەنووسی "بارمتەیەک یان بارمتە زایۆنیستەکان" لەو وڵاتەدا.

 

voa





ئەم هەواڵە 433جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad